Чаллыда күчмә кабул итү

Узган атнада Чаллы шәһәрендә Татарстан Республикасы Юстиция министрлыгының эшләр идарәчесе С.А.Брусов хокукый мәсьәләләр буенча гражданнарны күчмә кабул итү үткәрде.

Министрлык вәкиленә, хокукый ярдәм күрсәтүне сорап, 26 чаллылы мөрәҗәгать итте, аларның күпчелеге пенсионерлар яки вакытлыча эшләмәүчеләр иде.

5 мөрәҗәгать суд актларын үтәүгә кагылышлы иде. 2 гражданның мөрәҗәгате шәхси характерда булды: җирне бүлеп алуга ярдәм итү һәм ирен бер республикадан икенчесенә күчерү.

Шуны билгеләп узарга кирәк: гражданнарны шәхси һәм күчмә кабул итүләр вакытында ТР Юстиция министрлыгы җитәкчелегенә еш кына законнарны аңлатуны сорап мөрәҗәгать итәләр. Мәсәлән, кабул итүгә килгән чаллылылар арасыннан 9 кеше законнарны аңлатуны сорап, шул исәптән васыятьнамә буенча мирасны рәсмиләштерү, Ерак Себер районнарына тиңләштерелгән җирлекләрдә пенсия исәпләү, штат кыскару сәбәпле эштән чыгарылу, законсыз репрессияләнгәннәргә торак бирү, эшкә урнашу һәм башка мәсьәләләр белән мөрәҗәгать иттеләр.

Торакка кагылышлы, аерым алганда торак сертификатлары, социаль ипотека, өлешле төзелеш буенча сораулар еш бирелә башлады.

Кабул итү “Чаллы шәһәре” муниципаль берәмлеге башкарма комитетының эш башкару идарәсенең хатлар һәм гражданнарны кабул итү бүлеге ярдәме белән оештырылды. Гражданнарны кабул итүне үткәрүдә ТР ЮМ эшләр идарәчесе белән бергә Чаллы шәһәре башкарма комитетының хатлар һәм гражданнарны кабул итү бүлеге җитәкчесе С.Г.Бәширова һәм ТР Юстиция министрлыгының Хокукый мәсьәләләр буенча ҖҮИ органнары белән багланышлар оештыру департаментының Чаллы шәһәре шәһәр округы җирле үзидарә органнары эшчәнлегенә хокукый ярдәм күрсәтү бүлеге белгече А.Т.Әшрәфуллин катнаштылар.