Татарстан Республикасы Министрлыклары Татарстан Республикасы Юстиция министрлыгы

Сайлау көнендә ТР Юстиция министрлыгында эшче төркем оештыру турында

2008 елның 1 марты, шимбә

2008 елның 2 мартында булачак сайлаулар уңаеннан Татарстан Республикасы Юстиция министрлыгында оператив киңәшмә үтте, анда сайлау көнендә эшче төркем оештыру турында мәсьәлә тикшерелде.

“Россия Федерациясе Федераль Җыенының Дәүләт Думасына депутатлар һәм Россия Федерациясе Президентын сайлауларны әзерләү һәм үткәрүне оештыруда сайлау комиссияләренә ярдәм итү турында” 2007 елның 12 октябрендәге 550 номерлы ТР Министрлар Кабинеты карары нигезендә сайлау комиссияләренә сайлау көнендә хокукый ярдәм күрсәтү максатларында ТР юстиция министры боерыгы белән түбәндәге составта эшче төркем төзелде:

Столяров С.Н.	юстиция министрының беренче урынбасары, җитәкче
Ощепков А.А.	юстиция министры урынбасары, җитәкче урынбасары
1 нче төркемчә
Мәҗитова Л.М.	департамент җитәкчесе урынбасары – хокукый мәсьәләләр буенча җирле үзидарә органнары белән багланышлар бүлеге җитәкчесе
Гомзик И.А.	закон проектлары белән эшләү бүлеге җитәкчесе урынбасары
Сәләхетдинов А.М.	Татарстан Республикасы норматив хокукый актларының бердәм банкы әйдәүче белгече
2 нче төркемчә
Кәримова Ә.Р.	закон проектлары белән эшләү бүлеге җитәкчесе
Гарипов Р.У.	җирле үзидарә органнары тарафыннан аерым тапшырылган дәүләт вәкаләтләре үтәлешенә контрольне гамәлгә ашыру бүлеге җитәкчесе
Нуруллина Э.К.	Татарстан Республикасы норматив хокукый актларының бердәм банкы әйдәүче киңәшчесе

Эшче төркемгә сайлау комиссияләренә сайлаулар үткәрү барышында килеп туган хокукый характердагы мәсьәләләрне чишүдә ярдәм итү бурычы йөкләнгән.

2008 елның 2 мартында сайлаулар үткәрү көнендә ТР Юстиция министрлыгында эшче төркем әгъзаларының иртәнге сәг. 8.00 дән кичке сәг 20.00 гә кадәр ( 1 нче төркемчә 8.00 дән 14.00 гә кадәр, 2 нче төркемчә 14.00 дән 20.00 гә кадәр) чиратлап кизү торуы оештырылачак, шулай ук эшче төркем әгъзаларының үзләре теркәлгән сайлау участокларында тавыш бирүдә катнашулары тәэмин ителә.

Эшче төркем эшчәнлеген тәэмин итү өчен аларга кизү автомашина бирелә.

Оператив киңәшмәне ТР юстиция министрының беренче урынбасары С.Н.Столяров алып барды.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Татарстан Республикасы Юстиция министрлыгы хезмәткәрләре үз ветераннарын искә алды

9 Май алдыннан, шулай ук Хәрби батырлык һәм хезмәт фидакарьлеге елын үткәрү буенча чаралар планын үтәү йөзеннән Татарстан Республикасы Юстиция министрлыгы хезмәткәрләре, күпьеллык традиция буенча, ведомствоның элеккеге җитәкчеләре, шул исәптән Бөек Ватан сугышында катнашучылар җирләнгән урыннарны тәртипкә китерделәр.

Мөлкәти булмаган характердагы таләпләрне үтәү буенча киңәшмә

Юстиция министры урынбасары Мөхәррәм Ибәтов җитәкчелегендә бурычлылар булып республика башкарма хакимият органнары, җирле үзидарә органнары, дәүләт һәм муниципаль учреждениеләр торган мөлкәти булмаган таләпләрне мониторинглау һәм суд карарларын үтәү буенча видеоконференция режимында киңәшмә узды.

Юриспруденция өлкәсендә республика премиясенә документлар тапшыру срогы тәмамланырга ике атна калды

Юриспруденция өлкәсендә Гавриил Романович Державин исемендәге премиягә республика конкурсына документлар кабул итү соңгы этабына якынлаша. Дәгъвачылар 2026 елның 23 маена кадәр гариза бирә ала. Бу хакта киңәшмә барышында юстиция министрының беренче урынбасары Илья Гомзик искәртеп узды.

май, 2026 ел

Татарстан Республикасы Юстиция министрлыгында җәмәгать судьяларының суд участокларын террорчылыктан яклау буенча семинар узды

Татарстан Республикасы Юстиция министрлыгында җәмәгать судьялары аппаратлары хезмәткәрләре өчен семинар-укыту узды. Семинар барышында суд участокларында куркынычсызлыкны оештыруга заманча алымнар каралды.

ЯҢАЛЫКЛАРГА ЯЗЫЛУ