ТАССР юстиция министры Ә.Г.Таҗетдинов истәлегенә студентларның хокук бәйгесе

2008 елның 14 мартында Казан шәһәрендә Татарстан Республикасы югары уку йортларының юридик факультетлары студентлары арасында ТАССР юстиция министры Ә.Г.Таҗетдинов истәлегенә багышланган республика конкурсы старт ала, аны ТР Юстиция министрлыгы һәм Татарстан Республикасында КонсультантПлюс челтәренең рәсми вәкиле - “КонсультантПлюс. Мәгълүмати технологияләр” оештыра. Бәйгедә Татарстан Республикасының 15 ВУЗыннан, шул исәптән 2 Түбән Кама ВУЗыннан студентлар катнашачак.

Студентларның хокук бәйгесе беренче тапкыр Казанда 2005 елда булды. Анда Казан югары уку йортлары студентлары гына катнашты. 2008 елдан башлап бәйге республика статусын ала һәм ТАССР юстиция министры Ә.Г.Таҗетдинов истәлегенә багышлана.

Әнәс Габдулла улы Таҗетдинов безнең республикада билгеле партия эшлеклесе, тарих фәннәре кандидаты, Татар АССРның атказанган юристы була. Ул ТАССР Юстиция министрлыгын 1971 – 1987 елларда җитәкли. Аның җитәкчелегендә безнең республикада юстиция органнары торгызылу процессы уза.

Студентлар өчен бәйге – ул яхшы белемнәрен раслау, һөнәри үсешкә этәргеч алу һәм курсташлары арасында танылу табу өчен дә әйбәт мөмкинлек. Бәйгедә Татарстан Республикасы ВУЗларының юридик факультетларында “Юриспруденция” белгечлеге буенча белем алучы 2, 3 һәм 4 курс студентлары катнаша ала.

Студентларга ике этапта ярышырга туры киләчәк. Беренче этапта юриспруденция буенча язмача тест булачак, икенче, йомгаклау этабы 2008 елның 20 мартында була. Анда бәйгенең беренче этабында иң яхшы нәтиҗәләр күрсәткән 10 студент катнашачак. Икенче турда алар жюри әгъзалары тәкъдим икән темаларның берсе буенча эссе әзерләячәк.

Төп көрәш бәйгенең икенче турында булыр дип көтелә. Анда студентларга һөнәри әзерлекләрен күрсәтергә, бүгенге хокук мәсьәләләре буенча чыгыш ясарга һәм жюри алдында үз позицияләрен якларга туры киләчәк. Бәйге биремнәре шундый итеп эшләнгән ки, студентлар һөнәри осталыкларын, үзләренең иҗади һәм аналитик сәләтләрен күрсәтә алачак.

Бәйгедә катнашучыларны танылган юристлар, ТР Юстиция министрлыгы, ТР Прокуратурасы, ТР Яшьләр эшләре, спорт һәм туристлык министрлыгы, ТР ҮСК вәкилләре һәм КДУ мөгаллимнәре бәяләячәк.

Җиңүчеләрне кыйммәтле бүләкләр көтә, алар арасында 2008-2009 елларга стипендия дә бар, аны “КонсультантПлюс. Мәгълүмати технологияләр” ҖЧҖ түли.