РФ гражданнарының аерым категорияләренә РФ Саклык банкында кертемнәр буенча 2008 елда компенсация түләүләрен гамәлгә ашыру тәртибе турында

2007 елның 29 декабрендә РФ Хөкүмәте “Россия Федерациясе гражданнарының аерым категорияләренә РФ Саклык банкында кертемнәр буенча 2008 елда компенсация түләүләрен гамәлгә ашыру тәртибе турында” 1002 номерлы карар кабул итте.

Югарыда әйтелгән РФ Хөкүмәте карары белән Россия Федерациясе гражданнарының аерым категорияләренә РФ Саклык банкында кертемнәр буенча 2008 елда компенсация түләүләрен гамәлгә ашыру кагыйдәләре расланды.

Әлеге Кагыйдәләр Россия Федерациясе гражданнарының аерым категорияләренә Россия Федерациясе Саклык банкында 1991 елның 20 июненә кертемнәр буенча, алар “Россия Федерациясе гражданнарының саклауга бирелгән акчаны торгызу һәм яклау турында” Федераль закон нигезендә гарантияләнгән саклауга бирелгән акча булып тора, 2008 елда компенсация түләүләрен гамәлгә ашыру тәртибен билгелиләр.

1954 елга кадәр туган (бу елны да кертеп) Россия Федерациясе гражданнарына, I төркем инвалидларына яисә хезмәт эшчәнлегенә мөмкинлек чикләнүнең III дәрәҗәсенә ия инвалидларга, II төркем инвалидларына, инвалид балаларның һәм тумыштан инвалидларның ата-аналарына һәм опекуннарына (попечительләренә), чакыру буенча хәрби хезмәт үткән һәм тыныч вакытта хезмәт үтү вакытында һәлак булган (вафат булган) улларның ата-аналарына, шулай ук балалар өчен максатчан кертемнәр һәм ятим балалар, шулай ук ата-ана тәрбиясеннән мәхрүм калган балалар (шул исәптән, гражданнарның күрсәтелгән категорияләренә караган варислар) өчен кертемнәр буенча 1991 елның 20 июненә кертемнәр калдыгы күләмендә компенсация һәм 1991 елның 20 июненә кертемнәр калдыгы күләмендә өстәмә компенсация түләү гамәлгә ашырыла.

Компенсация һәм өстәмә компенсациянең күләмнәре, кертемнәрнең саклау вакытына карап һәм түбәндәге коэффициентларны кулланып, билгеләнә:

1 – хәзерге вакытта гамәлдә булган кертемнәр, шулай ук 1992-2008 елларда гамәлдә булган һәм 1996-2008 елларда ябылган кертемнәр буенча;

0,9 – 1992-1994 елларда гамәлдә булган һәм 1995 елда ябылган кертемнәр буенча;

0,8 - 1992-1993 елларда гамәлдә булган һәм 1994 елда ябылган кертемнәр буенча;

0,7 - 1992 елда гамәлдә булган һәм 1993 елда ябылган кертемнәр буенча;

0,6 - 1992 елда ябылган кертемнәр буенча.

Компенсация күләме кертемнәр буенча элек алынган башлангыч компенсация суммасына киметелә. Өстәмә компенсация күләме кертемнәр буенча элек алынган башлангыч компенсация (компенсацияләр) суммасына киметелми. Бу чакта Россия Федерациясе гражданнарының күрсәтелгән категорияләренә караган варисларга түләнә торган компенсация күләме 6 мең сумга кадәр күләмдәге күмү буенча хезмәт күрсәтүләрне түләүгә элек алынган компенсация суммасына киметелми.

Гражданнарның әлеге Кагыйдәләрнең 2 пунктында күрсәтелгән категорияләренә караган варисларга кертемнәр буенча компенсация һәм өстәмә компенсация түләү вафат булган кертемнәр хуҗасының яшенә карамастан гамәлгә ашырыла.

Моннан тыш, законнарда кертем хуҗасы вафат булган очракта я варислар, я әлеге хезмәт күрсәтүне чынбарлыкта түләгән кешеләр ала алган күмү буенча хезмәт күрсәтүләрне түләүгә компенсация каралган. 

Әгәр 1991 елда кертем суммасы 400 сумга тигез булса яки аннан артып китсә, бу максатларга иң зур сумма 6 мең сумны тәшкил итә. Әгәр кертем суммасы моннан кимрәк булган булса, ул 15 коэффициентына тапкырлана.

Кертем хуҗасының Россия Федерациясе Саклык банкының төрле бүлекчәләрендә берничә кертеме булганда, күмү буенча хезмәт күрсәтүләргә түләү өчен компенсацияне түләү аларның берсендә генә гамәлгә ашырыла. Мәсәлән, счетта 1991 елда 300 сум буган – күмү өчен хезмәт күрсәтүләргә компенсация 4500 сум тәшкил итәчәк.

Кертем хуҗасының Россия Федерациясе Саклык банкының бер бүлекчәсендә берничә кертем булганда, бу кертемнәр буенча күрсәтелгән максатларга компенсация күләме аларның кушма зурлыгыннан чыгып исәпләнелә.

Күмү буенча хезмәт күрсәтүләргә түләүгә компенсация түләү соралган гариза кабул ителгәндә, кертем хуҗасының вафат булуы турында таныклыкта башкарылган түләү турында тамга куела.

Күмү буенча хезмәт күрсәтүләргә түләүгә компенсация түләүгә 6 меңгә кадәр күләмдә компенсация түләү кертемнәр хуҗасы тарафыннан исән вакытында алынган компенсацияләргә бәйсез рәвештә гамәлгә ашырыла.

Россия Федерациясе гражданнарының элек компенсация һәм өстәмә компенсация исәпләү һәм түләү башкарылган кертемнәре “2008 елга һәм 2009 һәм 2010 елларга планлаштырылган вакытка федераль бюджет турында” Федераль закон нигезендә 2008 елда кабаттан компенсация түләнергә һәм өстәмә компенсация түләнергә тиеш түгел.

Кертемнәр буенча компенсация алу өчен счет ачылган саклык банкы бүлегенә мөрәҗәгать итәргә кирәк. Яшәү урыны алышынган очракта, Саклык банкының якындагы бүлегенә мөрәҗәгать итә ала, анда тиешле сорау ясаячаклар. Компенсация кертем салынган урында исәпләнелә һәм мөрәҗәгать итүченең яшәү урыны буенча күчерелә.