Иминләштерелгән гражданнарның балалары шифаханәләрдә һәм сәламәтләндерү лагерьларында социминият чаралары хисабына ял итә алачак

РФ Хөкүмәтенең “2008-2010 елларда балаларның ялын, сәламәтләнүен һәм эш белән тәэмин ителешен тәэмин итү турында” 2008 елның 5 мартындагы 148 номерлы карары нигезендә 2008 елга һәм 2009 һәм 2010 елларга планлаштырылган вакытка Социаль иминият фонды бюджетында иминләштерелгән гражданнарның балалары өчен юлламалар бәясен тулысынча яки өлешен түләү каралган. Моның белән бәйле 2008-2010 елларда балаларның ялын, сәламәтләнүен һәм эш белән тәэмин ителешен оештыру буенча чаралар эшләнгән.

Иминләштерелгән гражданнарның балаларына (шул исәптән опекада (попечительлектә) булган балалар, тәрбиягә алган гаиләләрдәге балалар, шулай ук үги уллар һәм үги кызлар) карата РФ Социаль иминият фонды балалар шифаханәләренә һәм шәһәр яны сәламәтләндерү лагерьларына юлламалар бәясен тулысынча яки өлешен түләүне; сәламәтләндерү лагерьларында көндез яшәүче балалар өчен азык-төлек җыелмасы бәясен түләүне; озатып баручы затларның бару-кайту бәясен, шулай ук аларның юлда булу һәм яшәү вакытында тәүлеклек акчаны түләүне гамәлгә ашырачак.

РФ субъектларының башкарма хакимият органнарына һәм җирле үзидарә органнарына социаль-икътисадый үсешнең төбәк программаларында балаларның ялын һәм сәламәтләндерүен оештыру буенча чаралар карарга, балаларның ялын һәм сәламәтләндерүен оештыруның максатчан программаларын эшләргә; авыр тормыш хәлендә калган балаларның ялын, сәламәтләнүен һәм эш белән тәэмин ителешен оештыруга, шулай ук балигъ булмаганнарның күзәтүсез калуын һәм хокук бозуларны профилактикалау буенча чараларны гамәлгә ашыруга аерым игътибар бирергә; балаларның оешкан төркемнәре өчен ташламалы мәдәни-экскурсия һәм транспорт хезмәте күрсәтүне, шулай ук спорт учреждениеләрен куллануны күздә тотарга; балаларның ялын һәм сәламәтләнүен оештыручы оешмаларны түләүсез кабул итүне, күрсәтелгән оешмаларга эшкә җибәрелә торган персоналны профилактик тикшерү һәм җәйге чорда вакытлыча эшкә урнашканда балигъ булмаганнарга медицина тикшерүе үткәрүне гамәлгә ашырырга тәкъдим ителә.

Россия Сәламәтлек саклау һәм социаль үсеш министрлыгына федераль башкарма хакимият органнары, РФ субъектлары башкарма хакимият органнары һәм җирле үзидарә органнарының РФ территориясендә балаларның ялын, сәламәтләнүен һәм эш белән тәэмин ителешен тәэмин итү буенча эшчәнлекләрен координацияләү вазыйфалары йөкләнгән.

 

 Гарант компаниясе материаллары нигезендә