Татарстан Республикасы Министрлыклары Татарстан Республикасы Юстиция министрлыгы

Коррупциягә каршы тору турында закон проекты сайланган президентны инаугурацияләүдән соң Дәүләт Думасына кертеләчәк

2008 елның 5 апреле, шимбә

Коррупциягә каршы тору турында закон проекты быел кабул ителәчәк һәм Дәүләт Думасы каравына сайланган президентны инаугурацияләүдән соң кертелергә мөмкин, дип саный думаның иминлек комитеты рәисе урынбасары Михаил Гришанков.

“Закон проекты быел кабул ителәчәгенә ышанам. Минемчә, инаугурациядән соң (ул Дәүләт Думасы каравына кертеләчәк)”, - дип цитата бирә Интерфакс М.Гришанковның пәнҗешәмбе көнне Мәскәүдә матбугат конференциясендә әйткән сүзләреннән.

Депутат билгеләп үткәнчә, закон проекты нигезендә коррупциягә каршы көрәш өчен нормативлар базасына бер төркем яңалык кертергә планлаштырыла.

“Яңа закон проектында үз постларыннан киткән чиновникларга элек бу җитәкчеләр җаваплылыгы зонасында булган коммерциячел структураларда эшләүгә чикләү, асылда хәтта тыю язылган”, - дип хәбәр итте М.Гришанков.

Ул тәгаенләгәнчә, мондый чикләүне чиновник үз постын калдырганнан соң 2-3 елга вакытка кертү күздә тотыла.

Матбугат конференциясеннән соң М.Гришанков журналистларга аңлатканча, мәсәлән, МЭРТның элеккеге башлыгы Герман Греф, әгәр ул министр постыннан киткән вакытта әлеге закон проекты кабул ителгән булса, шунда ук Саклык банкын җитәкли алмас иде.

Закон проектында каралган башка чаралар арасында М.Гришанков ачык вазыйфаи затларның чыгымнарын контрольдә тотуны, аны финмониторинг гамәлгә ашырачак, мөлкәтләрен декларацияләү бурычын, шулай ук декларацияләнмәгән мөлкәтне конфискацияләүне атады.

Бу вакытта, депутат билгеләп үткәнчә, закон проектында аны гамәлгә ашыру механизмы язылган, бу коррупциягә каршы көрәшнең нәтиҗәлелеген арттырачак.

Бер үк вакытта М.Гришанков коррупциягә каршы көрәш буенча законны гамәлгә ашыруны контрольдә тотуны тормышка ашыру өчен вәкаләтләр бирелгән махсус орган төзергә кирәк дип саный.

Шулай ук, депутат фикеренчә, бу күренешкә каршы тору максатында мөлкәтне конфискацияләү институтын кайтарырга кирәк.

Legis.ru

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Татарстан Республикасы Юстиция министрлыгы хезмәткәрләре үз ветераннарын искә алды

9 Май алдыннан, шулай ук Хәрби батырлык һәм хезмәт фидакарьлеге елын үткәрү буенча чаралар планын үтәү йөзеннән Татарстан Республикасы Юстиция министрлыгы хезмәткәрләре, күпьеллык традиция буенча, ведомствоның элеккеге җитәкчеләре, шул исәптән Бөек Ватан сугышында катнашучылар җирләнгән урыннарны тәртипкә китерделәр.

Мөлкәти булмаган характердагы таләпләрне үтәү буенча киңәшмә

Юстиция министры урынбасары Мөхәррәм Ибәтов җитәкчелегендә бурычлылар булып республика башкарма хакимият органнары, җирле үзидарә органнары, дәүләт һәм муниципаль учреждениеләр торган мөлкәти булмаган таләпләрне мониторинглау һәм суд карарларын үтәү буенча видеоконференция режимында киңәшмә узды.

Юриспруденция өлкәсендә республика премиясенә документлар тапшыру срогы тәмамланырга ике атна калды

Юриспруденция өлкәсендә Гавриил Романович Державин исемендәге премиягә республика конкурсына документлар кабул итү соңгы этабына якынлаша. Дәгъвачылар 2026 елның 23 маена кадәр гариза бирә ала. Бу хакта киңәшмә барышында юстиция министрының беренче урынбасары Илья Гомзик искәртеп узды.

май, 2026 ел

Татарстан Республикасы Юстиция министрлыгында җәмәгать судьяларының суд участокларын террорчылыктан яклау буенча семинар узды

Татарстан Республикасы Юстиция министрлыгында җәмәгать судьялары аппаратлары хезмәткәрләре өчен семинар-укыту узды. Семинар барышында суд участокларында куркынычсызлыкны оештыруга заманча алымнар каралды.

ЯҢАЛЫКЛАРГА ЯЗЫЛУ