ТР Юстиция министрлыгында киңәшмә

Узган атнада Татарстан Республикасы Юстиция министрлыгында гражданнар оборонасы, гадәттән тыш хәлләрне юк итү һәм янгын куркынычсызлыгын тәэмин итү мәсьәләләре буенча типлаштырылган килешүләр проектлары турында фикер алышынган эш киңәшмәсе булды. ТР юстиция министрының беренче урынбасары С.Н.Столяров үткәргән киңәшмәдә ТР юстиция министры урынбасары А.А.Ощепков, ТР гражданнар оборонасы эшләре һәм гадәттән тыш хәлләр министры урынбасары Н.В.Суржко, шулай ук ТР Юстиция министрлыгының һәм ТР ГО эшләре һәм ГТХ министрлыгының структур бүлекчәләре җитәкчеләре катнашты.

Киңәшмәдә катнашучылар ике типлаштырылган килешү проекты турында фикер алыштылар: гражданнар оборонасы, гадәттән тыш хәлләрне кисәтү һәм юк итү һәм янгын куркынычсызлыгын тәэмин итү мәсьәләләре буенчаТР Гражданнар оборонасы эшләре һәм гадәттән тыш хәлләр министрлыгы белән муниципаль районнар арасында багланышлар хакында. Фикер алышына торган документның предметы гражданнар оборонасы, табигый һәм техноген характердагы гадәттән тыш хәлләрне кисәтү һәм юк итү, янгын куркынычсызлыгын, су объектларында кешеләр иминлеген тәэмин итү, гомерен һәм сәламәтлеген саклау, шулай ук муниципаль район территориясендә һәлакәт-коткару хезмәтләрен төзү, тәэмин итеп тору һәм оештыру өлкәсендә килешенгән сәясәт үткәрүдән гыйбарәт. Моннан тыш, проектка халыкны һәм территорияләрне гадәттән тыш хәлләрдән яклау өлкәсендә мөнәсәбәтләрне җайга салучы законнарны камилләштерү мәсьәләләре дә кертелгән.

Икенче килешүнең предметы граждан оборонасы, гадәттән тыш хәлләрне кисәтү һәм юк итү һәм янгын куркынычсызлыгын тәэмин итү өлкәсендә вәкаләтләрне бер өлешен гамәлгә ашыруны шәһәр (авыл) җирлеге муниципаль берәмлегеннән муниципаль районга тапшырудан гыйбарәт.

Килешүләрнең проектлары турында Хокукый мәсьәләләр буенча ведомствоара координацияләү комитетының соңгы утырышында фикер алышынды һәм эшләп бетерү өчен җибәрелде.

Фикер алышу барышында эшче төркем әгъзалары проектларны тәкъдимнәр кертү өчен муниципаль берәмлекләргә җибәрергә, ә аннары алынган күрсәтмәләрне исәпкә алып, эшләп бетерергә дигән карар кылдылар.

Җәй чоры башланганчы, аерым алганда, быелның апрель аенда, югарыда күрсәтелгән килешүне ТР ГО эшләре һәм ГТХ министрлыгы белән муниципаль районнар арасында, шулай ук  муниципаль берәмлекләр һәм муниципаль районнар арасында төзү күздә тотыла.