Татарстан Республикасының норматив хокукый актлар бердәм банкы бүлеге хезмәткәрләре Апас муниципаль районында

Апрельнең беренче көннәрендә бердәм банк бүлеге хезмәткәрләре муниципаль хокукый актларны Татарстан Республикасы Юстиция министрлыгына җибәргәндә методик ярдәм күрсәтү максатында Татарстан Республикасы Апас муниципаль районында булдылар.

Эш барышында бердәм банкка кертү өчен Татарстан Республикасы Юстиция министрлыгына җибәрергә кирәк 188 норматив хокукый акт билгеле булды, шул исәптән, 20 район Советы карары, 37 Апас муниципаль районы башлыгы, 131 башкарма комитет җитәкчесе карары һәм күрсәтмәсе.

Актларны бердәм банкка кертү өчен җибәрүдә җаваплы затларга актларны сайлап алу тәртибе, норматив хокукый актларны төзегәндә юридик техника кагыйдәләре белән куела торган таләпләр, шулай ук әлеге актлар Татарстан Республикасы Юстиция министрлыгына кертелергә тиеш вакыт озынлыгы аңлатылды.

Моннан тыш, бүлек хезмәткәрләре җирле үзидарә органнары вәкилләрен “Муниципаль норматив хокукый актлар регистрын оештыру һәм алып бару белән бәйле Россия Федерациясенең аерым закон актларына үзгәрешләр кертү турында” 2007 елның 8 ноябрендәге 260-ФЗ номерлы Федераль закон нигезләмәләре белән таныштырдылар, аның нигезендә 2009 елның 1 гыйнварыннан башлап федераль регистрның бер өлеше булган Татарстан Республикасы муниципаль норматив хокукый актлар регистрын алып бару оештырыла. Әйтелгән Федераль закон нигезендә барлык дәрәҗәдәге җирле үзидарә органнары - муниципаль районнар һәм шәһәр округларыннан башлап авыл җирлекләренә кадәр муниципаль хокукый актларны регистрга кертү өчен бирергә тиеш булалар.

Моның белән бәйле Апас муниципаль районы җирле үзидарә органнары вәкилләренә алда торган эш зур авырлыклар тудырмасын өчен муниципаль район составына керүче җирлекләрнең җирле үзидарә органнары белән тиешле эшне башларга тәкъдим ителде.