Җирлекләрнең җирле администрация башлыклары нотариаль гамәлләр кылырга өйрәнде

2008 елның 9 апреле, чәршәмбе
Бүген Татарстан Республикасы Юстиция министрлыгында Татарстан Республикасы Зеленодольск һәм Яңа Чишмә муниципаль районнары җирлекләренең җирле администрация башлыклары һәм җирлекләрнең махсус вәкаләтле затлары белән аерым нотариаль гамәлләр кылу буенча соңгы семинар дәресләре булды.
Җирле үзидарә органнарының вазыйфаи затларын аерым нотариаль гамәлләр кылырга өйрәтү максатыннан Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаменты белгечләре 2008 елның февраленнән алып апреленә кадәр 9 зона семинары үткәрде.
Семинар дәресләрдә васыятьнамәләрне таныклау үзенчәлекләре, мирас ителгән мөлкәтне саклау буенча чаралар күрү, документлар күчермәләренең дөреслеген таныклау һәм башка нотариаль гамәлләр кылу турында лекцияләр белән Татарстан Республикасы Нотариаль палатасы нотариуслары һәм Федераль теркәүгә алу хезмәтенең ТР буенча Идарәсе вәкилләре чыгыш ясадылар. Дәресләрдә ҖҮИ органнарының вазыйфаи затлары тарафыннан югарыда әйтелгән нотариаль гамәлләр кылганда эш башкаруны алып бару турында мәсьәлә аерым тикшерелде.
Эштә файдалану һәм урыннарда гамәли ярдәм күрсәтү өчен зона семинарларында катнашучыларга Җирлекләренең администрация башлыклары һәм җирлекләрнең җирле җирле үзидарә органнарының вәкаләтле вазыйфаи затлары тарафыннан нотариаль гамәлләр кылу буенча норматив-методик документлар җыентыгы таратылды.
Дәресләрдә Россия теркәүгә алу һәм ТР Нотариаль палатасы вәкилләре дә катнашу ҖҮИ органнарының нотариаль гамәлләр кылырга вәкаләтле вазыйфаи затларының муниципаль район территориясендә шәхси практика белән шөгыльләнүче нотариуслар белән үзара багланышларының төп аспектларын фикер алышуга чыгарырга һәм кайбер оештыру мәсьәләләрен хәл итү юлларын билгеләргә мөмкинлек бирде.
Зона семинарларын Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаменты җитәкчесе урынбасары Л.М.Мәҗитова үткәрде.
ВИДЕОРЕПОРТАЖ
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International