ТР җәмәгать судьяларының квалификациясен күтәрү курслары

Бүген Россия суд эшчәнлеге академиясенең Казан филиалында квалификация күтәрү курсларында укулар төгәлләнде. Укулар 31 марттан алып 11 апрельгә кадәр 2 төркемдә барды: җәмәгать судьялары һәм суд утырышы секретарьләре. Суд кадрларының квалификацион әзерлегенең мөһимлеген исәпкә алып, һәм “Россия Федерациясендә судьялар статусы турында” РФ Законы, “Россия Федерациясе дәүләт граждан хезмәте турында” Федераль закон һәм “Татарстан Республикасы дәүләт граждан хезмәте турында” ТР Законы нигезендә Татарстан Репсубликасы Юстиция министрлыгы республиканың җәмәгать судьялары, шулай ук аларның аппараты хезмәткәрләре өчен һәр өч ел саен курсларда яңадан әзерләүләр оештыра.

ТР Юстиция министрлыгы белгечләре ТР Югары суды, ТР буенча Суд департаменты идарәсе, Федераль суд приставлары хезмәтенең ТР буенча Идарәсенең практик хезмәткәрләре һәм Россия суд эшчәнлеге академиясе филиалы җитәкчелеге катнашында курслар тыңлаучыларының барлык категорияләренең квалификациясен күтәрү буенча кыска вакытлы уку-укыту программаларын эшләделәр.

Бу программаларның төп бурычлары суд эшчәнлеген гамәлгә ашыруның төп юнәлешләре буенча белемнәрне камилләштерү, суд системасын үзгәртеп корудан, суд эш башкаруын, суд статистикасын, гражданнарны кабул итүне оештыру һәм алып бару күнекмәләрен булдырудан; суд этикасын, аралашу һәм суд хезмәткәренең үз-үзен тоту нормаларын аңлаудан гыйбарәт.

Тыңлаучылар белән аудитор укуларын РСАнең Казан филиалы профессор-мөгаллимнәренә караган белгечләр үткәрде.

Тыңлаучылар өчен гамәли материалны бәян иткәндә югары һөнәри тәҗрибәле федераль судьялар, шулай ук ТР буенча Суд департаменты идарәсе, ТР Юстиция министрлыгы, Федераль суд приставлары хезмәтенең ТР буенча Идарәсенең һөнәри беләм дәрәҗәләре югары булган белгечләре актив катнашты.

Татарстан Репсубликасында барлыгы 168 җәмәгать судьясы эшли, алар тарафыннан узган елда 170 мең эш карап тикшерелгән. Арада намус һәм абруйны яклау турында эшләр дә, авыр булмаган җинаятьләр буенча җинаять эшләре дә бар. Моннан тыш, җәмәгать судьялары гаилә эчендәге, хезмәткә һәм мөлкәткә кагылышлы мөнәсәбәтләрдән барлыкка килгән һәм тикшерүне таләп иткән граждан эшләрен дә карап тикшерәләр.