ТР юстиция министрының беренче урынбасары С.Н.Столяров ТР муниципаль берәмлекләре Президиумы Советы утырышында

Кичә ТР юстиция министрының беренче урынбасары С.Н.Столяров ТР Министрлар Кабинетында узган Татарстан Республикасы муниципаль берәмлекләре Президиумы Советы утырышында катнашты, анда ул “Россия Федерациясендә җирле үзидарәне оештыруның гомуми принциплары турында” 2003 елның 6 октябрендәге 131-ФЗ номерлы Федераль законны Татарстан Республикасында гамәлгә ашыру барышы хакында” мәсьәлә турында фикер алышу кысаларында муниципаль реформаны тормышка ашыруны норматив-хокукый тәэмин итү буенча республикада үткәрелә торган чаралар турында доклад белән чыгыш ясады.

Аерым алганда, С.Н.Столяров үз чыгышында республикада кабул ителгән “Татарстан Республикасында җирле үзидарә турында” ТР Законы, барлык шәһәр һәм авыл җирлекләренең чикләрен картографик тасвирлау буенча ТР Юстиция министрлыгы тарафыннан алып барыла торган эш хакында сөйләде, Татарстанда муниципаль хезмәтне оештыру өлкәсендә мөнәсәбәтләрне җайга салу мәсьәләләренә кагылып үтте, шулай ук җирле үзидарә органнарына аерым дәүләт вәкаләтләрен, хәзерге вакытка аларның саны 21 гә җитте, бирү хакында сөйләде.

Сергей Николаевич җирле үзидарәне үстерүдә тоткарлык тудыручы факторларны билгеләп үтте, аларга федераль законнардагы җитешсезлекләрне кертергә була, алар исә үз чиратында җирле үзидарә өлкәсендә региональ законнарның үсешендә чагыла. Ул “РФ субъектлары башкарма хакимияте органнарының һәм федераль башкарма хакимият органнарының территориаль органнары арасында багланышлар һәм аларның эшчәнлеген координацияләү мәсьәләләре” 2.07.2005 елдагы РФ Президенты Указын гамәлгә ашыру мәсьәләләренә аерым тукталып үтте.

Татарстан Республикасына бирелгән вәкаләтләр кысаларында җирле үзидарәне хокукый яктан тәэмин итүне гамәлгә ашыру белән беррәттән, республика дәүләт хакимияте органнары муниципаль берәмлекләргә системалы рәвештә методик ярдәм күрсәтеп киләләр, бу муниципаль хокукый актларның җирле үзидарә органнары тарафыннан тиешле юридик дәрәҗәдә әзерләнү максатларында үткәрелә.

ТР Юстиция министрлыгы мондый шартларда бара торган процесслардан читтә кала алмый һәм бу юнәлештә адекват адымнар ясый.

Шулай, ТР ЮМның Хокукый мәсьәләләр буенча җирле үзидарә органнары белән багланышлар оештыру департаменты тарафыннан закон чыгару инициативасы тәртибендә закон проектларын әзерләү һәм ТРДәүләт Советына кертү барышында туа торган барлык мәсьәләләр буенча ҖҮИ органнарына ярдәм, шулай ук, ҖҮИ органнары мөлкәткә кагылышлы йөкләмәләре буенча тапшыру актларын төзегәндә, аларга хокукый ярдәм күрсәтелә.

ТР Юстиция министрлыгы муниципаль районнарда һәм шәһәр округларында ҖҮИ органнары өчен даими рәвештә укулар оештыра һәм үткәрә: 2008 елның 1 кварталында шундый 12 күчмә семинар булды инде. Моннан тыш, ТР Дәүләт Советы белән бергә ҖҮИ органнарының закон төзү эшчәнлеге һәм муниципаль хезмәт турында законнарны гамәлгә ашыру мәсьәләләре буенча семинар үткәрелде. Быелның февраль-март айларында нотариаль гамәлләр кылу буенча җирлекләрнең башлыклары һәм җирлекләр җирле үзидарә органнарының махсус вәкаләтле вазыйфаи затлары катнашында зоналарда 8 күчмә семинар укулары булды.

Чыгышта аерым басым муниципаль берәмлекләрдә коррупциягә каршы сәясәтне гамәлгә ашыруга ясалды.

Сүз ахырында С.Н.Столяров ҖҮИ органнарының үз норматив хокукый базаларын булдыру өлешендә тәкъдимнәр әйтте һәм аларның өстенлекле юнәлешләрен күрсәтте.