Компьютер мәгълүматы өлкәсендә җинаятьләргә каршы көрәш турында килешү ратификациягә кертелә

Бүген РФ Хөкүмәте ратификациягә кертү өчен Компьютер мәгълүматы өлкәсендә җинаятьләргә каршы көрәштә БДБда катнашучы дәүләтләр хезмәттәшлеге турында килешүне РФ Президентына бирү турында мәсьәләне карап тикшерә.

Килешүгә 2001 елның 1 июнендә Минскида имза куелды. Килешү компьютер мәгълүматы өлкәсендә җинаятьләргә каршы көрәштә хезмәттәшлек итүнең төп юнәлешләрен һәм рәвешләрен (мәгълүмат алмашу, ярдәм күрсәтү турында соратуларга нигезләр һәм аларны тутыру тәртибе), шулай ук җинаять җаваплылыгына тартылып, хөкем ителә торган гамәлләр исемлеген билгели.

Килешү Россия Федерациясе законнарында каралганнардан бүтән кагыйдәләр билгели. Аерым алганда, Килешүнең 8 статьясы соратуны үтәүдән тулысынча яки өлешчә баш тарту мөмкинлеген соратыла торган як аны үтәү үзенең илкүләм законнарына каршы килә дип уйлаган очракта гына карый. Бу вакытта Россия Федерациясенең Җинаять-процессуаль кодексының 457 статьясындагы дүртенче өлеш билгеләгәнчә, сорату Россия Федерациясе законнарына каршы килгән яисә аны үтәү илнең суверенитетына яки иминлегенә зыян китерергә мөмкин булган очракта үтәлмичә кире кайтарыла.

Моннан тыш, Килешү компьютер мәгълүматы өлкәсендә әзерләнә торган яки кылынган җинаятьләр һәм аларга кагылышлы физик һәм юридик затлар турында мәгълүмат алышуны күздә тота. Мондый мәгълүмат үз эченә шәхси мәгълүматны һәм предметы булып гражданның хокуклар һәм ирекләре тора торган бүтән белешмәләрне алырга мөмкин.

Килешүне ратификацияләүнең максатка ярашлы булуы компьютер мәгълүматы өлкәсендә җинаятьләргә каршы көрәштә БДБда катнашучы дәүләтләрнең хокук саклау һәм суд органнары хезмәттәшлегенең хокукый нигезләрен киңәйтү зарурлыгы белән нигезләнә.