ТР Хөкүмәте карары РФ Югары Суды тарафыннан законнарга каршы килми дип танылды

23 апрельдә РФ Югары Судында “Татарстан Республикасында торак төзелешен үстерүгә дәүләт ярдәме турында” 27.12.2007елдагы 69-ТРЗ номерлы Татарстан Республикасы Законын гамәлгә ашыру буенча киләчәктәге чаралар һәм республика дәүләт ярдәме кысаларында торак бирү тәртибен камилләштерү турында” 02.08.2007 елдагы 366 номерлы Татарстан Республикасы Министрлар Кабинеты карарына дәгъва белдерү турында Р.Г.Азизова гаризасы буенча 19.12.2007елдагы 3-46/07 номерлы граждан эше буенча ТР Югары Суды карарына Р.Г.Азизованың кассация шикаятен кабат карап тикшерделәр.

Татарстан Республикасы Хөкүмәте мәнфәгатьләрен Россия Федерациясе Югары Судында ышанычнамә буенча Татарстан Республикасы Юстиция министрлыгының закон проектлары белән эшләү бүлеге әйдәүче киңәшчесе Е.В.Лопатина тәкъдим итте.

Эш материалларын өйрәнеп, якларның, шулай ук Татарстан Республикасы Президенты каршындагы Дәүләт торак фонды вәкиле аңлатмаларын тыңлаганнан соң, суд утырышында катнашучы прокурорның кассация шикаяте асылы буенча фикерен белеп, Россия Федерациясе Югары Суды дәгъва белдерелгән Татарстан Республикасы Министрлар Кабинеты карары белән гражданнарның хокуклары һәм законлы мәнфәгатьләре бозылмый дип тапты. Суд “Татарстан Республикасында торак төзелешен үстерүгә дәүләт ярдәме турында” 27.12.2007елдагы 69-ТРЗ номерлы Татарстан Республикасы Законын гамәлгә ашыру буенча киләчәктәге чаралар һәм республика дәүләт ярдәме кысаларында торак бирү тәртибен камилләштерү турында” 02.08.2007 елдагы 366 номерлы карарны чыгарганда Татарстан Республикасы Министрлар Кабинеты үз вәкаләтләре кысаларында эш иткән дип таныды.

Шулай итеп, Р.Г.Азизова гаризасы буенча 19.12.2007елдагы 3-46/07 номерлы граждан эше буенча беренче инстанциядә кабул ителгән Татарстан Республикасы Югары суды карары Россия Федерациясе Югары Суды тарафыннан үзгәрешсез калдырылды.