Татарстан Республикасы делегациясенең ГРЕКО экспертлары белән очрашуы

21-25 апрельдә Мәскәүдә коррупциягә каршы көрәш өлкәсендә Европа советының халыкара-хокукый инструментлары белән каралган йөкләмәләрнең Россия Федерациясе тарафыннан үтәлешен бәяләү буенча коррупциягә каршы дәүләтләр төркеме экспертлары (алга таба –ГРЕКО) делегациясе үтте. Визит барышында ГРЕКО экспертлары төрле ведомстволар, хөкүмәтнеке булмаган оешмалар, массакүләм мәгълүмат чаралары, шулай ук Россия Федерациясе субъектлары, шул исәптән Татарстан Республикасы вәкилләре белән очраштылар.

25 апрельдә Россия Федерациясе Юстиция министрлыгында Татарстан Республикасы, Түбән Новгород һәм Томск өлкәләреннән җибәрелгән делегацияләрнең ГРЕКО экспертлары белән очрашуы булды. 5 кешедән торган Татарстан Республиксы делегациясен Татарстан Республиксы Премьер-министрының беренче урынбасары Б.П.Павлов җитәкләде, ә аның составында Татарстан Республикасы Президенты Аппараты, Татарстан Республикасы Прокуратурасы вәкилләре һәм Татарстан Республикасы Юстиция министрлыгыннан - министрның беренче урынбасары С.Н.Столяров һәм закон проектлары белән эшләү бүлегенең әйдәүче киңәшчесе Е.В.Лопатина бар иде.

Очрашу барышында Россия Федерациясендә һәм аның субъектларында норма төзү эшчәнлеге өлкәсендә һәм хокук куллану практикасында коррупциягә каршы тору мәсьәләләре турында фикер алышынды.

Очрашу нәтиҗәләре буенча Россия Федерациясе субъектлары вәкилләренә бу өлкәдә алга таба эшләүгә мөнәсәбәттә үз идея һәм фикерләрен әйтергә тәкъдим иттеләр. Төбәкләрдән килгән катнашучыларның барысы өчен дә уртак теләк бер - коррупциягә каршы тору мәсьәләләре буенча федераль дәрәҗәдә закон актын тизрәк чыгару иде.