Эшче төркем 2009-2011 елларга Татарстан Республикасының Коррупциягә каршы сәясәте стратегиясен гамәлгә ашыру буенча республика программасы проектын эшләүгә кереште

Бүген Татарстан Республикасы Юстиция министрлыгында 2009-2011 елларга Татарстан Республикасының Коррупциягә каршы сәясәте стратегиясен гамәлгә ашыру буенча республика программасы проектын эшләү буенча эшче төркем утырышы булды.

Эшче төркем составы 28.04.2008 елдагы 639-Р номерлы ТР Министрлар Кабинеты күрсәтмәсе белән расланган иде.

Мәсьәләне карап тикшерүдә эшче төркем әгъзалары - ТР Дәүләт Советының Законлылык, регламент һәм депутат этикасы комитеты рәисе З.Г.Яһүдин, ТРда Кеше хокуклары буенча вәкаләтле вәкил Р.Г.Вәгыйзов, ТР Президенты Аппаратының ТР коррупциягә каршы сәясәтен гамәлгә ашыру бүлегенең баш киңәшчесе – эшче төркем җитәкчесе урынбасары Е.Н.Гатцук һәм башкалар катнаштылар.

Утырышны ТР юстиция министрының беренче урынбасары, эшче төркем җитәкчесе С.Н.Столяров алып барды.

Утырышта катнашучылар әзерләнә торган программаның төзелешен карадылар, эш алып барылырга тиешле юнәлешләр һәм чараларны билгеләделәр. Утырышта чыгыш ясаган эшче төркем җитәкчесе урынбасары Е.Н.Гатцук проектны эшләүчеләргә проблеманың асылын һәм аны программа белән хәл итүнең максатка ярашлы булуын, төп максат һәм бурычларын, аны гамәлгә ашыру вакытын һәм баскычларын аңлатты. Республика программасы проекты эшләнәчәк юнәлешләр билгеләнде, болар – коррупциягә каршы булган мәгариф, коррупциягә каршы торуны пропагандалау, коррупциягә каршы мониторинг һәм экспертиза.

Кеше хокуклары буенча вәкаләтле вәкил Р.Г.Вәгыйзов Россиядә бу проблеманың күп кенә билгеләмәләренә һәм төшенчәләренә закон дәрәҗәсендә аңлатма бирердәй, шулай ук коррупциячел тәвәкәллекләрне кисәтү буенча нәтиҗәле эшләү механизмы индикаторларын билгеләрлек федераль законның әлегә кадәр кабул ителмәвен әйтте.

ТР Дәүләт Советы Комитеты рәисе З.Г.Яһүдин эшләнә торган программаның эчтәлегенә кагылышлы берничә тәкъдим кертте. Аның фикеренчә, программа проектына коррупциячел күренешләр турында белемне хокукый пропагандалауга юнәлтнелгән чараларны кертергә һәм коррупциячел күренешләргә юл куймау механизмнарына нигез салырга, шулай ук коррупциягә каршы тору эшен бәяләү критерийларын әзерләргә кирәк.

Эшче төркем әгъзалары таратыла торган материалны өйрәнергә һәм быелның 18 маена кадәр программа проектын булдыру эше юнәлешен сайлап алырга һәм тәкъдимнәрен ТР Юстиция министрлыгына киләчәктә фикер алышу өчен кертергә тиеш булалар.