«Кадрлар үзәге» конкурсының финалы узды
2021 елның 20 маенда «IT-парк» бизнес-үзәге базасында «Россия юристлары ассоциациясе» Гомумроссия иҗтимагый оешмасының Татарстан төбәк бүлеге «Кадрлар үзәге» проектының финал этабы узды.
Конкурсның мактаулы кунаклары һәм остазлары сыйфатында чарада Татарстан Республикасы юстиция министры Рөстәм Заһидуллин, Россия юристлары ассоциясенең Татарстан төбәк бүлекчәсе башкарма комитеты рәисе Тимур Какохо, «Ялилов һәм партнерлар» юридик компаниясенең идарәче партнеры Айнур Ялилов чыгыш ясадылар.
Чара сәламләү сүзләре белән башланып китте. Конкурста катнашучылар финалистларны уңышлы сайлап алу сынаулары узулары белән котладылар, студентларның сорауларына җавап бирделәр һәм һөнәри эшчәнлекне һәм шәхси сыйфатларны үстерү тәҗрибәсе белән уртаклаштылар. Икенче этап булып В.К. Тарасов системасы буенча идарә итү бәйгеләре форматында биремнәрне үтәү, юридик кейсларны хәл итү булды. Студентлар сөйләшүләр алып бару һәм үз максатларына ирешү, хокукый нигезләрне белү һәм хәлне анализлый белү буенча бер-берсе белән көч сынаштылар. Конкурсантлар шулай ук практикада яңа белемнәрне тикшерделәр, тәэсирләре белән уртаклаштылар һәм ачык чыгышлар форматында конкурс сынауларын дәвам иттеләр.