«Түләүсез юридик ярдәм» мәгълүмат системасында эшләү» темасына укыту семинары

Түләүсез юридик ярдәм күрсәтүне оештыру һәм планлаштыру бүлеге башлыгы Илфат Мингалимов һәм бүлекнең әйдәп баручы белгеч – эксперты Лилия Шакирова түләүсез юридик ярдәм күрсәтүнең дәүләт системасында катнашучылар белән «Түләүсез юридик ярдәм» мәгълүмат системасында эшләү» темасына  укыту семинары үткәрделәр. Исегезгә төшерәбез, «Татарстан Республикасында гражданнарга түләүсез юридик ярдәм күрсәтү турында» 2012 елның 2 ноябрендәге 73-ТРЗ номерлы ТР Законы нигезендә ТР башкарма хакимияте органнары, аларга караган учреждениеләр һәм адвокатлар дәүләт түләүсез юридик ярдәм системасында катнашалар.

Татарстан Республикасы Министрлар Кабинетының 2009 елның 22 октябрендәге 953 номерлы карары белән «Түләүсез юридик ярдәм» мәгълүмат системасы турында Нигезләмә расланды. Аның төп бурычларының берсе -73-ТРЗ номерлы Закон кысаларында түләүсез юридик ярдәм күрсәтелгән гражданнар саны турында статистик характердагы хисаплылык системасында формалаштыру.

Семинар барышында «Татарстан Республикасында гражданнарга түләүсез юридик ярдәм күрсәтү турында» ТР Законы буенча халык белән эшләү алгоритмы» системасында мәгълүматларны тутыру тәртибе каралды.