Юстиция министрлыгында Татарстан Республикасында дәүләт граждан хезмәткәрләренең һәм муниципаль хезмәткәрләрнең стажировкасы башланды

2021 елның 17-18 июнендә Татарстан Республикасы Юстиция министрлыгында «Норматив хокукый актларга коррупциягә каршы экспертиза» программасы буенча дәүләт граждан хезмәткәрләренең  һәм муниципаль хезмәткәрләрнең ике көнлек стажировкасы узды. Стажировка программасы норматив хокукый актларга коррупциягә каршы экспертиза һәм нормалар иҗат итү эшчәнлеген оештыруны һәм гамәлгә ашыруны өйрәнүгә юнәлдерелгән. Стажировканың максаты - норматив хокукый актлар һәм нормалар иҗат итү эшчәнлеге проектларының сыйфатын күтәрүгә ярдәм итүче белем һәм күнекмәләр алу. Стажировкада Татарстан Республикасы сәнәгать һәм сәүдә министрлыгының юридик бүлеге хезмәткәрләре, Алексеевск муниципаль районының контроль-хисап палатасы рәисе, Балык Бистәсе муниципаль районы Советы Аппаратының юридик бүлеге башлыгы, Иннополис шәһәре Башкарма комитетның хокукый ярдәм күрсәтү бүлеге башлыгы катнашты

Стажировканы ачып, юстиция министры Рөстәм Заһидуллин муниципаль норматив хокукый актлар проектларын сыйфатлы эшләү кирәклегенә, гамәлдәге актларга вакытында һәм тулы мониторинг уздыру һәм аларны законнарга туры китерү кирәклегенә аерым игътибар итте.

Чара КФУ дәүләт һәм муниципаль идарә югары мәктәбе директоры урынбасары Наталья Аксенова, ДМИЮМ белем бирү программалары җитәкчесе Светлана Гранкина һәм министрлыкның структур бүлекчәләре җитәкчеләре катнашында узды.

Министр урынбасары Мөхәррәм Ибәтов стажерларга билгеләнгән үрнәктәге таныклыклар тапшырды һәм алган белемнәрен киләчәктә дә нәтиҗәле куллануларын теләде.