Коррупциягә каршы торуның илкүләм планы дөнья күрде

“Российская газета”ның (2008 елның 5 авгусындагы 4721 номерлы федераль чыгарылыш) бүгенге саны битләрендә 2008 елның 31 июлендә РФ Президенты Д.А.Медведев раслаган Коррупциягә каршы торуның илкүләм планы дөнья күрде.

Илкүләм планның преамбуласында коррупциячел чагылышлар белән китерелә торган зарар аңлатыла, аерым алганда, “барлы иҗтимагый механизмнарның тиешенчә эшләве авырлаша, социаль үзгәртеп корулар үткәрүгә һәм илкүләм икътисадның нәтиҗәлелеген үстерүгә каршлык туа, россия җәмгыятендә җитди борчу һәм дәүләт институтларына ышанычсызлык уяна, халыкара аренада Россия өчен тискәре күзаллау туа һәм законлы рәвештә Россия Федерациясе иминлегенә янаучы куркыныч булып карала”.

Коррупциягә каршы документ дүрт бүлектән тора. Беренчесе тулысынча коррупциягә каршы торуны законнар белән тәэмин итүгә багышланган. Икенчесе – коррупцияне кисәтү максатында дәүләт идарәсен камилләштерүгә. Калган ике бүлек юридик кадрларны һөнәри әзерләүне үстерү чараларына һәм хокукый агартуга, шулай ук Илкүләм планны гамәлгә ашыру буенча берече чираттагы чараларга багышланган.

Беренче бүлек – иң төгәле, аның нигезендә "Коррупциягә каршы тору турында” федераль закон проекты әзерләнеп, Дәүләт Думасына бирелергә тиеш, анда “коррупция” төшенчәсенә билгеләмә биреләчәк, шулай ук коррупциячел чагылышларга каршы көрәш өлкәсендә дәүләт сәясәтенең төп юнәлешләре һәм гамәлдәге РФ закон актларына үзгәрешләр кертү каралачак.

Икенче бүлектә социаль-икътисад өлкәсендә дәүләт идарәсен камилләштерүгә юнәлтелгән гамәлләр комплексы регламентлаштырыла, ул үз эченә дәүләт мөлккәтеннән файдалануны, намуслы көндәшлек өчен шартлар тудыруны, халыка дәүләт хезмәте күрсәтү стандартларын ала. Монда шулай ук вәкаләтләрнең бер өлешен федераль дәрәҗәдән җирле дәрәҗәгә бирү, әмма контрольне көчәйтеп, турында сүз бара.

Өченче бүлек юриспруденция өлкәсендә белем бирү программаларының сыйфатын яхшыртуга һәм аларны дәүләт контролендә тотуга багышланган. Дүртенче бүлек коррупциягә каршы планда күздә тотылган чараларны гамәлгә ашыру өчен җаваплылар өчен сроклар билгели.