Татарстан Республикасы юстиция министры Рөстәм Заһидуллинның Юристлар көне белән котлавы!

2021 елның 3 декабре, җомга

Хөрмәтле юристлар, юридик берләшмә ветераннары!

Сезне һөнәри бәйрәмегез – Юристлар көне белән чын күңелдән котлыйм!

Юристларның эшчәнлеге мөһим социаль роль уйный, чөнки ул кешеләр язмышы өчен зур җаваплылык белән бәйле һәм җәмгыятьтә гаделлек һәм законлылыкны тәэмин итүгә юнәлдерелгән.

Юрист һөнәре югары җаваплылык һәм югары компетентлылык, хезмәт бурычына тугрылык һәм даими камилләшүне таләп итә.

Юридик өлкә хезмәткәрләренең намуслы хезмәте нәтиҗәсендә республика үсешенең мөһим бурычларын хәл итүдә юридик берләшмә роле арта бара.

Сезгә һәм якыннарыгызга нык сәламәтлек, бәхет, иминлек, һөнәри бурычыгызны үтәүдә уңышлар һәм иртәгәсе көнгә ышаныч телим!