ТР юстиция министры “Кадрлар үзәге” конкурсы финалын ачуда катнашты
Юстиция министры Рөстәм Заһидуллин “Россия юристлары ассоциациясе” Гомумроссия иҗтимагый оешмасы Татарстан төбәк бүлегенең “Кадрлар үзәге” проектының беренче конкурс көнендә остаз сыйфатында катнашты.
Көндезге этапка сайлап алу тестында югары уку йортларының юридик факультетларының иң югары суммар балл җыйган студентлары һәм магистрантлары чакыру алды.
“Конкурс программасын без һөнәри эшчәнлектә балаларга кирәк булачак күнекмәләрне һәм компетенцияләрне үстерүгә юнәлдерергә тырышабыз. Без студентларны һәм чыгарылыш курсларының магистрантларын конкурска чакырабыз, алар тиздән укуларын тәмамлап, эшкә керешәчәкләр. Безнең максат - аларга теория генә биреп калмыйча, гамәли күнекмәләргә дә өйрәтү”, - дип билгеләп үтә Россия юристлары ассоциясенең төбәк бүлекчәсе башкарма комитеты рәисе Тимур Какохо.
Җиңүчеләр кыйммәтле бүләкләр, шулай ук остазлар белән очрашу, стажировка узу һәм белгечлек буенча эшкә урнашу мөмкинлеге алачак.