Муниципаль берәмлекләрнең уставларын теркәүне алып бару мәсьәләләре буенча семинар

Бүген РФ Юстиция министрлыгының Россия хокук академиясенең филиалы Казан юридик институтында (филиал) Россия Федерациясе Юстиция министрлыгының Идел буе федераль округы буенча Идарәсенең “Муниципаль берәмлекләр уставлары регистр” мәгълүмат системасын алып бару өчен җаваплы хезмәткәрләре белән “Эштә кулланылучы документ рәвешләрен (бәяләмә, тапшырыла торган мәгълүмат һ.б.) унификацияләү һәм “Муниципаль берәмлекләр уставлары регистр” мәгълүмат системасын алып бару мәсьәләләре” темасына семинар-киңәшмә узды.

Татарстан Республикасы Юстиция министрлыгын бу чарада бердәм банк һәм ТР норматив хокукый актлары бүлеге башлыгы Э.М.Аверьянова тәкъдим итте.

Семинар-киңәшмә эшендә Россия Юстиция министрлыгының Самара, Пенза, Оренбург, Киров, Түбән Новгород, Саратов, Ульяновск өлкәләре, шулай ук Мордовия, Марий Эл, Башкортостан, Удмуртия, Чувашия республикалары һәм Пермь өлкәсе идарәләре бүлекләреннән белгечләр катнашты.

Мәсьәлә турында фикер алышуда шулай ук Россия Федерациясе Юстиция министрлыгы вәкилләре катнаштылар, алар арасында – Е.Б.Паремский - РФ Юстиция министрлыгы каршындагы Хокукый мәгълүматлаштыру фәнни үзәге ФДУ директоры урынбасары (Мәскәү), Н.И.Зимина – Россия Юстиция министрлыгының Идел буе федераль округы буенча идарәсеҗитәкчесе урынбасары, Ф.Г.Фәтхуллина – Россия Юстиция министрлыгының Татарстан Республикасы буенча Идарәсе җитәкчесе вазыйфаларын башкаручы, Россия Федерациясе субъектларының закон чыгару һәм федераль регистрны алып бару бүлеге белгечләре дә бар иде.

Семинарда катнашучылар “Муниципаль берәмлекләр уставларын регистр” мәгълүмат системасына текстлар һәм муниципаль хокукый актлар, өстәмә белешмәләр кертү тәртибе һәм үзенчәлекләре, югарыда күрсәтелгән мәгълүмат системасын алып барганда килеп чыга торган авырлыклар һәм аларны хәл итү юллары турында сорауларны карадылар. Чара барышында системаны камилләштерү буенча тәкъдимнәр кертелде.

ТР Юстиция министрлыгының бүлек башлыгы Э.М.Аверьянова ТР Юстиция министрлыгында Татарстан Республикасы норматив хокукый актларының бердәм банкын алып бару тәҗрибәсе турында сөйләде.

Семинар тәмамлангач, фикер алышу һәм нәтиҗәләр чыгару булды.

Семинар-киңәшмәне Россия Юстиция министрлыгының Татарстан Республикасы буенча Идарәсе җитәкчесе вазыйфаларын башкаручы Ф.Г.Фәтхуллина алып барды.