Бөгелмәдә Белем көне

1 сентябрь – Белем дөньясына яңа сәяхәт башы, бу беренче кыңгырау һәм дулкынлану, чәчәкләр һәм ак бантларның күплеге һәм, әлбәттә, традицион тынычлык дәресләре. Мәктәп бусагасын тәүге тапкыр атлап керүчеләр өчен бу аеруча көтеп алынган көн.

1 сентябрь – башлыча укучылар, студентлар, укытучы һәм мөгаллимнәр өчен яңа уку елы башлану бәйрәме. Традицион рәвештә бу көнне мәктәпләрдә уку елы башлануга багышланган тантаналы линейкалар уза. Мәктәпләрдә беренче сыйныфка укырга килгәннәрне аерым бер тантаналылык белән каршылыйлар.

Махсус урта һәм югары уку йортларында гадәттә линейкалар булмый, ләкин моңа карап бәйрәм рухы кимеми.

Татарстан Республикасы юстиция министры вазыйфаларын башкаручы С.Н.Столяров Бөгелмәнең 2 нче лицеенда булган Белем көнендә катнашты.

Яңа уку елы алдыннан ул Татарстан Республикасы Хөкүмәте һәм Татарстан Республикасы Юстиция министрлыгы исеменнән барлык укучыларны, аларның ата-аналарын һәм укытучыларны яңа уку елы башлану белән һәм көзнең матур бәйрәме – Белем көне белән тәбрикләде.

Үзенең котлау теләкләрендә Сергей Николаевич Бөгелмә шәһәре һәм Бөгелмә муниципаль районының барлык мәгариф хезмәткәрләренә көндәлек тырыш хезмәтләре, профессиональлек һәм җиңел булмаган укытучы эшенә бирелгәнлекләре өчен рәхмәтен җиткерде, барлык укучы һәм студентларга, укытучы һәм ата-аналарга, тәрбияче, остазларга - сәләте, белеме, түземлелеге, җаваплылыгы уңышлы укуның аерылгысыз шарты булган зирәк һәм үз эшләрен яратучы кешеләргә нык сәламәтлек теләде, алар тырышлыгы белән республикабызның интеллектуаль потенциалы арта, дәүләт яшь энергия тупланмасын, хезмәт көчен, яңа талантлар таба.

Татарстан Республикасы Юстиция министрлыгы җитәкчелеге һәм коллективы исеменнән С.Н.Столяров лицейга сәнгать картинасы, укучылар коллективына футбол туплары бүләк итте.

Бәйрәм чараларында Бөгелмә муниципаль районы һәм Бөгелмә шәһәре башлыгы Н.Г.Мәһдиев катнашты.