Татарстан Республикасы Юстиция министрлыгында киңәшмә

Бүген ТР юстиция министры М.М.Корманов рәислегендә киңәшмә узды. Киңәшмә барышында “Азартлы уеннарны оештыру һәм уздыру буенча эшчәнлекне дәүләт тәртипкә салуы турында һәм Россия Федерациясенең кайбер закон актларына үзгәрешләр кертү турында” Федераль законының 9 статьясына үзгәрешләр кертү хакында” Федераль закон проектына финанс-икътисадый җирлек турында сөйләштеләр. ТР Юстиция министрлыгы тарафыннан эшләнгән, югарыда күрсәтелгән закон проекты, Кама Аланы шәһәр тибындагы поселокта уен зоналары булдыру өчен хокукый нигезләр оештыруга юнәлгән.

Мәсьәлә буенча фикер алышуда ТР юстиция министрының беренче урынбасары С.Н.Столяров, “Кама Аланы штп.” муниципаль берәмлеге җитәкчесе А.И.Привалов, ТР Юстиция министрлыгының закон проектлары белән эшләү бүлеге җитәкчесе Ә.Р.Кәримова, бу бүлекнең әйдәп баручы киңәшчесе Е.В.Лопатина, ТР Икътисад министрлыгы, ТР Сәүдә һәм сәнәгать министрлыгы, ТРның кече һәм урта эшмәкәрлекне үстерү комитеты вәкилләре катнашты.

Киңәшмәдә катнашучылар закон проектына финанс-икътисадый җирлектә яктыртылырга тиешле бер төркем сорау буенча фикер алыштылар, чөнки ТР Икътисад министрлыгы тәкъдим иткән документлар Кама Аланы штп.та уен зонасы булдыру кирәклеген тулаем дәрәҗәдә яктыртмый. Фикер алышу нәтиҗәләре буенча “Азартлы уеннарны оештыру һәм уздыру буенча эшчәнлекне дәүләт тәртипкә салуы турында һәм Россия Федерациясенең кайбер закон актларына үзгәрешләр кертү турында” Федераль законының 9 статьясына үзгәрешләр кертү хакында” Федераль закон проектына яңа финанс-икътисадый җирлек һәм закон проектына аңлатма әзерләү турында карар кабул ителде.