Татарстан Республикасы муниципаль норматив хокукый актлары регистры турында закон проекты

“Муниципаль норматив хокукый актлар регистрын оештыру һәм алып бару сәбәпле Россия Федерациясенең аерым закон актларына үзгәрешләр кертү турында”Федераль законы нигезендә, Татарстан Республикасы Юстиция министрлыгында “Татарстан Республикасы муниципаль норматив хокукый актлар регистрын оештыру һәм алып бару турында” Татарстан Республикасы закон проекты эшләнде.

Мәгълүм булганча, 2009 елның 1 гыйнварыннан Татарстан Республикасында бөтен төр, шул исәптән, авыл җирлекләре җирле үзидарә органнарының муниципаль норматив хокукый актлары кертеләчәк муниципаль норматив хокукый актлар регистрын алып бару буенча эш көтелә. Бу ТР ның барлык 998 муниципаль берәмлеге дә үзләренең хокукый актларын регистрга җибәрәчәкләр дигәнне аңлата.

Югарыда күрсәтелгән закон проектын эшләү максатларында, ТР юстиция министры приказы белән ТР Юстиция министрлыгы, ТР Дәүләт Советы Аппаратының Хокук идарәсе, ТР Министрлар Кабинеты, шулай ук Татарстан Республикасы буенча РФ Юстиция министрлыгы идарәсе вәкилләреннән торган эшче төркем оешты. Юстиция министры М.М.Корманов эшче төркем белән җитәкчелек итәчәк.

Бүген Татарстан Республикасы Юстиция министрлыгында эшче төркем әгъзаларының утырышы узды. Анда сүз эшләнгән закон проекты турында барды. Фикер алышу нәтиҗәләре буенча закон проектын әйтелгән искәрмәләрне исәпкә алып эшләп бетерергә һәм Татарстан Республикасы Хөкүмәте карап тикшерүенә җибәрү турында карар кабул ителде.