Законнардагы яңалык
2022 елның 5 декабрендә “Россия Федерациясенең аерым закон актларына үзгәрешләр кертү турында” 2022 елның 5 декабрендәге 498-ФЗ номерлы федераль закон үз көченә керде, ул “Җыелышлар, митинглар, демонстрацияләр, урам йөрешләре һәм пикетлар турында” 2004 елның 19 июнендәге 54-ФЗ номерлы Федераль законга үзгәрешләр кертте.
Әлеге Федераль закон белән чит ил агентлары җәмәгать чараларын оештыра алмый торган кешеләр исәбенә кертелгән. Моннан тыш, җыелышлар, митинглар, урам йөрешләре һәм демонстрацияләр үткәрү тыелган урыннарның аерым исемлеге билгеләнгән.
Мондый урыннарга кертелгән:
вокзал һәм станция биналары һәм территорияләре, аэропортлар, диңгез һәм елга портлары, пристаньнар;
мәгариф һәм медицина оешмалары, халыкны социаль яклау оешмалары биналары һәм территорияләре, балалар һәм спорт мәйданчыклары;
гавами хакимият органнары биналары, алар янәшәсендәге территорияләр, шул исәптән электр, җылылык, суүткәргеч челтәрләре, су белән тәэмин итү һәм (яки) кулланылган суларны агызу челтәрләре, газ белән тәэмин итү челтәрләре эшчәнлеген тәэмин итә торган биналар һәм территорияләр;
дини биналар, урыннар һәм корылмалар, шулай ук мондый биналар һәм корылмалар урнашкан җир кишәрлекләре, шул исәптән дини оешмаларга милек хокукы буларак яки аларга башка милек хокукы буенча бирелгән.
Россия Федерациясе субъектларына мондый урыннарның адресы яки башка ориентирлары мәҗбүри рәвештә билгеләп, җыелышлар, митинглар, урам йөрешләре, демонстрацияләр уздыру тыела торган башка урыннарны билгели торган законнар кабул итү хокукы бирелгән.