Татарстан Дәүләт бюросы һәм Татарстан Республикасында Бала хокуклары буенча вәкаләтле вәкил үзара ярдәм итешү турында килешү төзеде
2023 елның 10 гыйнварында Татарстан Республикасы Дәүләт бюросы белән Татарстан Республикасында Бала хокуклары буенча вәкаләтле вәкил арасында түләүсез юридик ярдәм күрсәтү өлкәсендә хезмәттәшлек турында килешү имзаланды.
Килешү якларның балаларның хокукларын һәм мәнфәгатьләрен яклау, балигъ булмаганнарга хокукый белем бирү, ятим балаларга һәм инвалид балаларга хокукый ярдәм күрсәтү, балалар хокуклары темасы булган түгәрәк өстәлләрдә, дискуссияләрдә һәм башка чараларда катнашуны оештыруга юнәлдерелгән.
Килешүгә кул куелганнан соң Татарстан Республикасында Бала хокуклары буенча вәкаләтле вәкил аппараты бинасында бергәләп гражданнарны кабул итү уздырылды.
Балалар хокукларын яклау мәсьәләләре буенча юридик ярдәм сорап 6 граждан мөрәҗәгать итте. Килгән барлык сорауларга хокукый характердагы җаваплар бирелде, гариза бирүчеләрнең кайберләренең язмача мөрәҗәгатьләре Татарстан Республикасында Бала хокуклары буенча вәкаләтле вәкил компетенциясе буенча бирелде, гарызнамәчеләрнең бер өлеше , хокук саклау органнарына мөрәҗәгатьләр һәм документлар әзерләүдә ярдәм күрсәтү өчен, “Татарстан Республикасы дәүләт юридик бюросы” дәүләт казна учреждениесенә чакырылды.