Идарә хезмәткәрләре – түрәләр резервын оештырырга махсус Комиссия ярдәм итәчәк

2008 елның 25 августында РФ Президенты “Идарә хезмәткәрләре кадрлары резервын оештыру һәм әзерләү буенча Россия Федерациясе Президенты каршында Комиссия турында” 1252 номерлы Указга кул куйды.

Указ нигезендә, икътисадның өстенлекле өлкәләре, дәүләт хакимиятенең федераль органнары, РФ субъектлары дәүләт хакимияте органнары һәм җирле үзидарә органнары өчен идарә хезмәткәрләре кадрлары резервын оештыру һәм нәтиҗәле файдалану максатларында РФ Президенты каршында махсус Комиссия барлыкка килде.

Комиссия турында Нигезләмәдә аның эшчәнлек хокуклары, бурычлары һәм тәртибе билгеләнгән. Мәсәлән, Комиссиянең бурычларына РФ Президентына РФда идарә хезмәткәрләре кадрлары резервын оештыру һәм нәтиҗәле файдалану өлкәсендә дәүләт сәясәтен эшләү буенча тәкъдимнәр әзерләү; идарә хезмәткәрләре кадрларын оештыру Программасын кертү белән бәйле мәсьәләләр буенча барлык дәрәҗәдәге хакимият органнары эшчәнлеген яраклаштыру; тәңгәл килә торган комиссияләрне төбәкләрдә булдыру буенча РФ субъектларының югары вазыйфаи затларына тәкъдимнәр әзерләү керә. Моннан тыш, Комиссия Программада катнашучыларның мәгълүмат базасын алып бару тәртибен билгелиячәк; идарә хезмәткәрләре кадрлары федераль резервын, шул исәптән, РФ Президенты патронажы астында булганнарны (1000 кешегә кадәр) барлыкка китерү буенча тәкъдимнәр әзерлиячәк; Программа чараларын гамәлгә ашыруны контрольдә тотачак.

Комиссияне РФ Президенты Администрациясе җитәкчесе С.Н.Нарышкин җитәкли. Комиссия әгъзалары аның эшендә җәмәгатьчелек тәртибендә, ягъни түләүсез катнашалар.

Указ аңа кул куйган көннән көченә керә.