ТР Дәүләт Советында Татарстан Республикасында ришвәтчелеккә каршы эшчәнлек стратегиясе турында семинар программасын тикшерделәр

Бүген ТР юстиция министрының беренче урынбасары С.Н.Столяров 2008 елның 21 октябрендә “Казан” милли-мәдәни үзәктә “Татарстан Республикасында ришвәтчелеккә каршы стратегияне гамәлгә ашыруда “Бердәм Россия” партиясе активының һәм “Татарстан – яңа гасыр” иҗтимагый хәрәкәтенең роле һәм урыны” темасына семинар уздыру мәсьәләләре тикшерелгән ТР Дәүләт Советы киңәшмәсе эшендә катнашты.

Чараны оештыручылар: “Бердәм Россия” Россия партиясенең Татарстан җирле бүлекчәсе башкарма комитеты, “Татарстан – яңа гасыр” политсоветы башкарма комитеты, ТР Дәүләт Советының “Бердәм Россия” фракциясе, ТР Дәүләт Советының “Татарстан – яңа гасыр” депутатлар төркеме, ТР Дәүләт Советының Законлылык, регламент һәм депутат этикасы буенча комитеты.

Киңәшмәдә катнашучылар семинар программасы буенча фикер алыштылар. Семинар эшенә 7 мәсьәлә кертелгән, шуларның берсе – “Татарстан Республикасында ришвәтчелеккә каршы стратегияне гамәлгә ашыруда җирле үзидарә органнарының роле һәм урыны турында” ТР юстиция министры М.М.Корманов белән яктыртылачак. Моның белән беррәттән семинарда ришвәтчелеккә каршы иҗтимагый экспертиза турында, ришвәткә каршы көрәштә дөнья җәмәгатьчелеге тәҗрибәсе хакында һ.б. мәсьәләләр яктыртылачак.

Оештыру чарасын ТР Дәүләт Советының Законлылык, регламент һәм депутат этикасы буенча комитеты рәисе Җ.Г.Яһүдин алып барды.