Татарстан Республикасының муниципаль берәмлекләр территорияләрендә урнашкан эчке басу аша кишәрлек җире турындагы мәсьәлә буенча киңәшмә

Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән үзара бәйләнешне оештыру департаменты республиканың муниципаль берәмлекләр территорияләре чикләрен тасвирлау буенча эшне тәмамлый. Бүгенгә сүз авыллар арасындагы территорияләрне юк итү һәм муниципаль районнарның аерым территорияләре эчендәге чикләрен тәртипкә салу турында бара.

ТР юстиция министры М.М.Корманов рәислегендә Министрлыкта ТР Дәүләт Советының дәүләт төзелеше һәм җирле үзидарә буенча Комитеты рәисе А.С.Федоров, ТР Министрлар Кабинеты Аппаратының башкарма хакимият органнары һәм җирле үзидарә органнарының үзара бәйләнешен оештыру буенча бүлек җитәкчесе А.Н.Белова, ТР Дәүләт Советы Хокук идарәсенең бүлек мөдире Э.Р.Ишмаева, ТР Түбән Кама һәм Чистай муниципаль районнары вәкилләре катнашында эш киңәшмәсе узды. Анда сүз әлеге районнар территорияләрендә анклавларны юк итү мәсьәләләре турында барды. ТР юстиция министры урынбасары А.А.Ощепков бу район карталарында бәхәсле территорияләрнең барлыгын раслады.Чистай һәм Яңа Чишмә районнарында җитәкчелек конструктив чыгу юлын тапты. Түбән Кама муниципаль районы буенча бәхәсле мәсьәләләр буенча фикер алышуны ТР Прокуратурасы катнашында дәвам итү турында карар кабул ителде. Биектау, Мөслим, Тукай һәм ТРның кайбер башка муниципаль районнар буенча тәңгәл мәсьәләләрне ачыклау өчен әлеге район вәкилләре 7 октябрьгә ТР Юстиция министрлыгына чакырулы.