Татарстан Республикасы Министрлыклары Татарстан Республикасы Юстиция министрлыгы

2008-2010 елларга федераль бюджетка төзәтмәләр кабул ителде

2008 елның 27 октябре, дүшәмбе

Дәүләт Думасы РФ Хөкүмәте тәкъдим иткән, 2008-2010 елларга федераль бюджетка үзгәрешләр кертүне күздә тоткан законны кабул итте.

Бюджетны коррекцияләү россия финанс базарына ярдәм итү өчен һәм Көньяк Осетия һәм Абхазиядә яшәүче РФ гражданнарының куркынычсызлыгын һәм аларны яклауны тәэмин итү буенча бурычны гамәлгә ашыруда тотылган, алда планлаштырылмаган чыгымнарны тәэмин итү белән бәйле бюджет ассигнацияләре бүлергә кирәк булу белән бәйле.

2008 елга төп макроикътисадый бюджетны үзгәртмичә, закон аерым кризисларга каршы юнәлешләрдә финанслауны агымдагы елда аерым бюджет ассигнацияләрен экономияләү хисабына арттыруны, шулай ук 2008 һәм 2009 еллар арасында чыгымнар исемлеген яңадан бүлүне күзаллый.

РФ финанс системасына ярдәм итү буенча өстәмә чараларны гамәлгә ашыру өчен шартлар булдыру максатларында закон белән 2008 елда Внешэкономбанк дәүләт корпорациясенең устав капиталында РФ милек кертемен арттыруга 75 млрд.сум күләмендә чаралар бүлеп бирелә.

Моннан тыш, ипотеканы кредитлау базарына ярдәм күрсәтү өчен Ипотека торак кредитлау агентлыгының устав капиталына кертем 60 млрд.сум күләмендә арттырылачак.

Дәүләт Думасы Хөкүмәткә Кертемнәрне иминиятләштерү буенча агентлыкка, федераль законнар белән каралган тәртиптә, дәүләт корпорациясе чыгымнарының чыганакларын формалаштыру максатларында, 2008 елда 200 млрд.сумга кадәр күләмдә милек кертемен гамәлгә ашырырга рөхсәт итте.

2008 елда ябык статьялар буенча милли куркынычсызлыкны һәм хокук саклау эшчәнлеген финанслау өчен, шулай ук Көньяк Осетиягә каршы Грузия агрессиясе нәтиҗәләрен юкка чыгару өчен өстәмә рәвештә 16,9 млрд.сум бүлеп биреләчәк.

Бюджет ассигнацияләре арттырылачак:

- Хөкүмәтнең гадәттән тыш ситуацияләрне һәм бәла-казалар нәтиҗәсен кисәтү һәм юкка чыгару буенча резерв фондына 4065, 8 млн.сум күләмендә.

- Хезмәткә түләүнең яңа системаларына күчүне гамәлгә ашыруга – 11,6 млрд.сум.

- Милли икътисадка 77118, 5 млн.сум.

- “Мәгариф” бүлегенә - 2232, 7 млн.сум.

Бер үк вакытта мәдәнияткә, кинематографка, массакүләм мәгълүмат чараларына, сәламәтлек саклауга, физкультура һәм спортка, шулай ук бюджетара трансфертка ассигнацияләр кыскартылачак.

www.Legis.ru

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Татарстан Республикасы Юстиция министрлыгы хезмәткәрләре үз ветераннарын искә алды

9 Май алдыннан, шулай ук Хәрби батырлык һәм хезмәт фидакарьлеге елын үткәрү буенча чаралар планын үтәү йөзеннән Татарстан Республикасы Юстиция министрлыгы хезмәткәрләре, күпьеллык традиция буенча, ведомствоның элеккеге җитәкчеләре, шул исәптән Бөек Ватан сугышында катнашучылар җирләнгән урыннарны тәртипкә китерделәр.

Мөлкәти булмаган характердагы таләпләрне үтәү буенча киңәшмә

Юстиция министры урынбасары Мөхәррәм Ибәтов җитәкчелегендә бурычлылар булып республика башкарма хакимият органнары, җирле үзидарә органнары, дәүләт һәм муниципаль учреждениеләр торган мөлкәти булмаган таләпләрне мониторинглау һәм суд карарларын үтәү буенча видеоконференция режимында киңәшмә узды.

Юриспруденция өлкәсендә республика премиясенә документлар тапшыру срогы тәмамланырга ике атна калды

Юриспруденция өлкәсендә Гавриил Романович Державин исемендәге премиягә республика конкурсына документлар кабул итү соңгы этабына якынлаша. Дәгъвачылар 2026 елның 23 маена кадәр гариза бирә ала. Бу хакта киңәшмә барышында юстиция министрының беренче урынбасары Илья Гомзик искәртеп узды.

май, 2026 ел

Татарстан Республикасы Юстиция министрлыгында җәмәгать судьяларының суд участокларын террорчылыктан яклау буенча семинар узды

Татарстан Республикасы Юстиция министрлыгында җәмәгать судьялары аппаратлары хезмәткәрләре өчен семинар-укыту узды. Семинар барышында суд участокларында куркынычсызлыкны оештыруга заманча алымнар каралды.

ЯҢАЛЫКЛАРГА ЯЗЫЛУ