Татарстан Республикасы Юстиция министрлыгы коллективы Сабантуй өчен бүләкләр тапшырды

2024 елның 21 июне, җомга

Быел татар милли бәйрәме Сабантуй 23 июньдә билгеләп үтеләчәк. Традиция буенча, бәйрәмнең иң матур вакыйгаларының берсе бүләкләр җыю булды. Бу - ерак үткәнгә барып тоташкан яхшы традиция.

Казанда дүрт маршрут оештырылды, алар шәһәрнең тарихи үзәге аша үтте. Процессиядә ат арбалары, музыкантлар һәм гармунчылар катнаша.

Юстиция министрлыгы хезмәткәрләре традицион йөрешләрдә катнаштылар һәм Сабантуйның булачак җиңүчеләренә бүләкләр тапшырдылар.

Кадерле дуслар, сезне чын күңелдән халкыбызның иң яраткан  бәйрәмнәренең берсе белән котлыйбыз! Сабантуй сезгә якты тәэсирләр, яхшы кәеф китерсен һәм иҗади хезмәт өчен яңа көч бирсен!