Бүген Татарстан Республикасы Юстиция министрлыгы коллегиясе узды

Бүген Татарстан Республикасы Юстиция министрлыгы структур бүлекчәләренең 2008 елның 9 ае өчен эш нәтиҗәләрен Татарстан Республикасы Юстиция министрлыгы коллегиясендә чыгардылар. Мәсьәләне хәл итүдә Татарстан Республикасы Министрлар Кабинеты Аппаратының хокук идарәсе җитәкчесе Р.Ф.Гафиятуллин, ТР Президентының Дәүләт-хокук идарәсе секторы җитәкчесе А.А.Томилин, ТР Министрлар Кабинеты Аппаратының административ һәм хокук саклау идарәсенең баш киңәшчесе Р.М.Шәмгунов, ТР Икътисад министрлыгының юридик бүлек җитәкчесе Э.С.Бойко катнаштылар.

Коллегия утырышын ачып җибәреп, юстиция министры М.М.Корманов Министрлыкның структур бүлекчәләре үз эшләрен Министрлыкның 19.01.2008 елдагы йомгаклау коллегиясе карары һәм Татарстан Республикасы Премьер-министры Р.Н.Миңнехановның коллегия чыгышында бәян иткән таләпләре нигезендә коруын билгеләп үтте.

Эшләнгән эшләр турында мәгълүмат белән министрның беренче урынбасары С.Н.Столяров, министр урынбасары Ә.Б.Сираҗетдинов, Департамент җитәкчесе урынбасары – җирле үзидарә органнары эшчәнлегенә хокукый ярдәм күрсәтү бүлеге җитәкчесе Л.М.Мәҗитова. Хокукый мәсьәләләр буенча җирле үзидарә органнары белән үзара бәйләнешне оештыру департаментының аналитик һәм норматив-методик эш бүлеге җитәкчесе Р.У.Гарипов чыгыш ясадылар. Чыгыш ясаучылырның докладларында ТР Юстиция министрлыгында ТР Дәүләт Советында закон проектларының якынча планын үтәүгә юнәлтелгән (закон чыгару инициативасы субъекты булып ТР Министрлар Кабинеты торган проектларга карата) законнар чыгару эшчәнлеге актив алып барылуы билгеләнгән иде.

2008 елның 9 аенда 1668 норматив хокукый актка экспертиза уздырылды, 25 норматив хокукый акт эшләнде, ТР Премьер-министрының, аның урынбасарларының, Министрлар Кабинеты Аппараты җитәкчесенең норма чыгару эшчәнлеге өлкәсендәге 76 йөкләмәсе үтәлгән, ТР Прокурорының 22 протестына (тәкъдим, гаризасына) юридик анализ уздырылды.

Министрлык белгечләре эшче төркемнәр эшендә, шул исәптән Татарстан Республикасында мәгарифне үзгәртеп кору буенча, Торак-коммуналь хуҗалыкны үзгәртеп коруга булышлык итү фонды буенча, Татарстан Республикасының Тарифлар буенча комитеты оешу сәбәпле Татарстан Республикасы Министрлар Кабинеты актларына үзгәрешләр кертү турында норматив хокукый акт проектларын эшләү буенча, Татарстан Республикасы законнарының гамәлдә булу нәтиҗәлелеген камилләштерү буенча, административ комиссияләр эшчәнлеген регламентлаучы норматив хокукый актларны эшләү буенча актив катнашалар. Министрлыкның Хокукый мәсьәләләр буенча җирле үзидарә органнары белән үзара бәйләнешне оештыру департаменты тарафыннан муницпаль берәмлекләрнең чикләрен билгеләү буенча һәм мөлкәт йөкләмәләрен тапшыруны (бүлүне) раслау буенча закон чыгару эшчәнлеге актив алып барылды. Бүгенге көнгә әлеге эш төгәлләнде дияргә була. Хокукый мәсьәләләр буенча җирле үзидарә органнары белән үзара бәйләнешне оештыру департаменты тарафыннан Министрлыкның җирле үзидарә органнары белән барлыкка килә торган хокукый мәсьәләләрне хәл итү буенча тыгыз бәйләнеш салынуы хакында билгеләп үтелде.

2008 елның 9 аенда башка министрлыклар катнашында җирле үзидарә органнары эшчәнлегенә хокукый ярдәм күрсәтү, шул исәптән җирле әһәмияттәге мәсьәләләрне хәл итүдә методик һәм оештыру ярдәме күрсәтү буенча эш алып барылды.

Җирле үзидарә органнары эшчәнлегенә хокукый ярдәм күрсәтү йөзеннән прокурорның каршы җавап бирү актлары һәм суд карарлары тикшерелде. Шул ук вакытта әлеге документларның хокукый экспертизасы уздырылды, шулай ук җирле үзидарә органнары эшчәнлегенә хокукый ярдәм күрсәтелде.

Татарстан Республикасында уен йортларын ачу өчен рөхсәт бирү буенча дәүләт хезмәте күрсәтү Административ регламенты эшләнде , расланды һәм Реестрга кертелде.

Татарстан Республикасы норматив хокукый актларының бердәм банкын формалаштыру һәм алып бару өчен җирле үзидарә органнары һәм дәүләт хакимиятенең башкарма органары ТР Юстиция министрлыгына норматив хокукый актлар җибәрәләр. Министрлык эшчәнлегенең бу юнәлешендә теркәү өчен тапшырыла торган норматив хокукый актларның артуы билгеләнә. 2008 елның 9 ае эчендә Татарстан Республикасы норматив хокукый актларының бердәм банкы бүлеге тарафыннан норматив хокукый актларның бердәм банкын формалаштыру өчен тәкъдим ителгән 4428 документ өйрәнелде, шулардан 3195 норматив хокукый акт бердәм банкка кертелде.

Хәзерге вакытта бердәм банк бүлегенә республиканың 43 муниципаль районы һәм 2 шәһәр округыннан муниципаль хокукый актлар керә. 2008 елның 9 ае эчендә Татарстан Республикасы муниципаль районнары һәм шәһәр округларыннан 3056 муниципаль хокукый акт керде.

Республиканың башкарма хакимият органнарының кеше һәм гражданнарның хокукына, ирегенә һәм бурычларына кагылучы , ведомствоара характерга ия оешмаларның хокукый статусын билгели торган норматив хокукый актларын дәүләт теркәве буенча ТР министрлыклары һәм ведомстволарыннан дәүләт теркәвенә 178 акт керде, шулардан 85 норматив хокукый акт теркәү узды, 32 акт эшләп бетерү өчен кире кайтарылды, 56 акт дәүләт теркәвенә мохтаҗ түгел дип танылды, гамәлдәге законнарга каршы килүе сәбәпле 1 актка карата дәүләт теркәвен уздыру мөмкин булмавы ачыкланды. Татарстан Республикасы юстиция министрының “Татарстан Республикасы юстиция министрының боерык һәм карар проектларына коррупциягә каршы экспертиза уздыру Регламенты турында” боерыгы нигезендә 174 хокукый актка карата коррупциягә каршы экспертиза уздырылды, әлеге чара барышында коррупциоген нормалар ачыкланмады.

Татарстан Республикасы Юстиция министрлыгы һәм Татарстан Республикасы Президенты Аппаратының коррупциягә каршы сәясәтне тормышка ашыру буенча бүлегенең турыдан-туры катнашлыгында эшче төркем тарафыннан 2009-2011 елларга Татарстан Республикасының коррупциягә каршы сәясәте Стратегиясен тормышка ашыру буенча Республика программасы эшләнде, әлеге Программа 2008 елның 22 сентябрендә Татарстан Республикасы Министрлар Кабинеты тарафыннан кабул ителде.

Җәмәгать судьялары эшчәнлеген тәэмин итү бүлеге, Җәмәгать судьялары эшчәнлеген оештыру – хокукый тәэмин итү бүлеге тарафыннан 2009-2011 елларга Татарстан Республикасы җәмәгать юстициясен үстерү буенча республика максатчан программасы проекты эшләп чыгарылды.

Гражданнар һәм юридик затларның мөрәҗәгатьләрен карау буенча дәүләт хезмәтен күрсәтү Административ регламенты нигезендә ТР Юстиция министрлыгына агымдагы елның 9 аенда гражданнардан һәм оешмалардан төрле мәсьәләләр буенча 273 мөрәҗәгать керде, шәхси кабул итү вакытында, шул исәптән, күчмә кабул итә вакытында Министрлык җитәкчеләренә хокукый ярдәм алу максатында 219 граждан мөрәҗәгать иткән, Татарстан Республикасында халыкка хокукый ярдәм күрсәтү үзәкләрендә агымдагы елның 9 аенда Министрлык җитәкчеләре һәм белгечләре тарафыннан 1771 кеше кабул ителде.

Коллегия утырышында 2008 елга Дәүләт заказы билгеләгән һәм ТР Министрлар Кабинетының 04.02.2008 елдагы 69 номерлы карары белән расланган индикатор күрсәткечләренә ирешүне үтәү турындагы мәсьәләгә аеруча нык игътибар бирелде.

Коллегия утырышын ТР юстиция министры М.М.Корманов алып барды.