Россия правосудие академиясенең Казан филиалында квалификация күтәрү

Җәмәгать судьяларының эш нәтиҗәлелеге күп очракта кадрларның һөнәри әзерлеге дәрәҗәсенә бәйле. Бу сәбәпле Татарстан Республикасы Юстиция министрлыгы тарафыннан җәмәгать судьялары һәм аларның аппараты хезмәткәрләренең квалификациясен күтәрүгә җитди игътибар бирелә.

“Татарстан Республикасы дәүләт граждан хезмәте турында” Татарстан Республикасы Законы нигезендә дәүләт хезмәткәрләренең, шул исәптән җәмәгать судьялары аппараты хезмәткәрләренең квалификациясен күтәрү ихтыяҗ туган саен гамәлгә ашырыла, әмма өч елга бер тапкырдан да сирәгрәк уздырыла алмый.

36 статьяның 5 өлеше белән билгеләнгән, Дәүләт хезмәткәрләренең квалификациясен күтәрү ешлыгы судьяның өч елга бер тапкыр югары һөнәри һәм югары белем һәнәри югары уку йортларыннан соңгы белем бирү учреждениеләрендә квалификациясен күтәрү хокукы барлыкны билгели торган “Россия Федерациясендә судьялар статусы турында” 26.06.1992 елдагы 3132-1 номерлы Россия Федерациясе Законының 20.1 статьясында бәян ителгән таләпләр белән аваздаш.

Татарстан Республикасы буенча җәмәгать судьялары, шулай ук аларның аппараты хезмәткәрләрен һөнәри әзерләү һәм аларның квалификациясен күтәрү буенча югары һәм өстәмә һөнәри белем бирү учреждениесе булып Россия правосудие академиясенең Казан филиалы тора.

2008 елда Россия правосудие академиясенең Казан филиалының эш планы нигезендә җәмәгать судьялары аппараты хезмәткәрләре өчен дүрт агымда һәм җәмәгать судьялары өчен ике агымда квалификация күтәрү буенча укулар оештырылды. Министрлык хезмәткәрләре квалификация күтәрү буенча курсларны ачуда, җәмәгать судьялары һәм аларның аппараты хезмәткәрләре белән дәресләр уздыруда, зачетлар кабул итүдә, уку нәтиҗәләрен чыгаруда һәм уку узганлык турындагы шәһадәтнамә тапшыруда катнаштылар. Агымдагы елда Россия правосудие академиясенең Казан филиалында 30 җәмәгать судьясы һәм җәмәгать судьялары аппаратының 60 хезмәткәре үз квалификациясен күтәрде.