Татарстан Республикасы Министрлыклары Татарстан Республикасы Юстиция министрлыгы

Д.Медведев Хөкүмәтнең депутатлар каршында хисап тоту турында закон проектын Дәүләт Думасына кертте

2008 елның 12 ноябре, чәршәмбе

Россия Президенты Дмитрий Медведев “Россия Федерациясе Хөкүмәте турында” Федераль конституция законына үзгәрешләр кертү хакында” федераль конституция законы проектын Дәүләт Думасына кертте, дип хәбәр итә Кремльнең Матбугат хезмәте.

Закон проекты РФ Конституциясенә Дәүләт Думасы тарафыннан РФ Хөкүмәтенә карата контроль вәкаләтләрне беркетә торган төзәтмәләрне гамәлгә ашыруга юнәлтелгән.

Закон проекты нигезендә РФ Хөкүмәте ел саен Дәүләт Думасына үз эшчәнлеге нәтиҗәләре турында, шул исәптән Дәүләт Думасы тарафыннан куелган мәсьәләләр буенча хисап тапшыра. Әлеге хисаплар алдан РФ Хөкүмәте утырышында карап тикшерелә, ә аларны әзерләү РФ Хөкүмәте Регламенты белән каралган тәртиптә гамәлгә ашырыла.

Хисаплар “Российская газета” һәм “Парламентская газета”да мәҗбүри басылырга тиеш.

Тәңгәл үзгәрешләр “Россия Федерациясе Хөкүмәте турында” ФКЗның 13 һәм 28 статьяларына, шулай ук VI бүлеккә кертелә.

Legis.ru материаллары буенча

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Татарстан Республикасы Юстиция министрлыгы хезмәткәрләре үз ветераннарын искә алды

9 Май алдыннан, шулай ук Хәрби батырлык һәм хезмәт фидакарьлеге елын үткәрү буенча чаралар планын үтәү йөзеннән Татарстан Республикасы Юстиция министрлыгы хезмәткәрләре, күпьеллык традиция буенча, ведомствоның элеккеге җитәкчеләре, шул исәптән Бөек Ватан сугышында катнашучылар җирләнгән урыннарны тәртипкә китерделәр.

Мөлкәти булмаган характердагы таләпләрне үтәү буенча киңәшмә

Юстиция министры урынбасары Мөхәррәм Ибәтов җитәкчелегендә бурычлылар булып республика башкарма хакимият органнары, җирле үзидарә органнары, дәүләт һәм муниципаль учреждениеләр торган мөлкәти булмаган таләпләрне мониторинглау һәм суд карарларын үтәү буенча видеоконференция режимында киңәшмә узды.

Юриспруденция өлкәсендә республика премиясенә документлар тапшыру срогы тәмамланырга ике атна калды

Юриспруденция өлкәсендә Гавриил Романович Державин исемендәге премиягә республика конкурсына документлар кабул итү соңгы этабына якынлаша. Дәгъвачылар 2026 елның 23 маена кадәр гариза бирә ала. Бу хакта киңәшмә барышында юстиция министрының беренче урынбасары Илья Гомзик искәртеп узды.

май, 2026 ел

Татарстан Республикасы Юстиция министрлыгында җәмәгать судьяларының суд участокларын террорчылыктан яклау буенча семинар узды

Татарстан Республикасы Юстиция министрлыгында җәмәгать судьялары аппаратлары хезмәткәрләре өчен семинар-укыту узды. Семинар барышында суд участокларында куркынычсызлыкны оештыруга заманча алымнар каралды.

ЯҢАЛЫКЛАРГА ЯЗЫЛУ