ТР Юстиция министрлыгында Коррупциягә каршы көрәш сәясәте стратегиясен гамәлгә ашыру мәсьәләләре буенча эшче төркем утырышы

2008 елның 22 сентябрендә Татарстан Республикасы Хөкүмәте Татарстан Республикасының 2009-2011 елларга Коррупциягә каршы көрәш сәясәте стратегиясен гамәлгә ашыру буенча Республика Программасын раслады. Әлеге Программа нигезендә республика министрлыклары, ведомстволары, Татарстан Республикасы җирле үзидарә органнары коррупциягә каршы эшчәнлек буенча ведомство һәм муниципаль программалар эшли һәм аларны гамәлгә кертүне тәэмин итә.

Бүген Татарстан Республикасы Юстиция министрлыгында ТР юстиция министрының беренче урынбасары С.Н.Столяров рәислегендә ТР Юстиция министрлыгында Коррупциягә каршы көрәш сәясәте стратегиясен гамәлгә ашыру буенча даими эшче төркем утырышы узды. Утырышта ТР Юстиция министрлыгының 2009-2011 елларга Татарстан Республикасы Коррупциягә каршы көрәш сәясәте стратегиясен гамәлгә ашыру буенча яңа программа проектын эшләү мәсьәләсе тикшерелде.

Даими эшче төркем әгъзалары яңа программа структурасын билгеләделәр, әлеге программаның, республика документыныкы кебек үк, кереш, төп принциплары, максатлары, бурыч һәм чараларыннан торган паспорты булачак. Программаның һәр чарасын гамәлгә ашыру өчен башкарылу вакытлары күрсәтелгән тәгаен план эшләнер дип көтелә.

Даими эшче төркем әгъзалары тарафыннан Министрлыкның барлык структур бүлекчәләренә үз тәкъдимнәрен Министрлык Программасының чаралар планына кертү өчен хат җибәрү тәкъдиме кертелде. 2008 елның 1 декабрендә Министрлыкның эшче төркеме тәкъдим ителгән тәкъдимнәр буенча фикер алышу өчен җыелачак һәм агымдагы елның 15 декабренә кадәргә вакыт эчендә 2009-2011 елларга Татарстан Республикасының Коррупциягә каршы сәясәте стратегиясен гамәлгә ашыру буенча ТР Юстиция министрлыгы программасы проектын эшләргә һәм ТР юстиция министры раславына тәкъдим итәргә тиеш.

 

ТР Юстиция министрлыгы Матбугат хезмәте