ТР Юстиция министрлыгы яшьләре профсоюз конкурсында хезмәттәшләренә көч биреп тордылар
“Ливадия” шифаханәсендә Татарстан Республикасы Профсоюзлар федерациясе тарафыннан ТР профсоюзлар хәрәкәтенең 120 еллыгына багышланган чара - эшләүче һәм укучы яшьләр арасында “Елның профсоюз командасы” II Республика смотр-конкурсы узды.
Татарстан Республикасы Мамадыш муниципаль районы Башкарма комитетының Яшьләр эшләре һәм спорт бүлеге яшьләр командасы Россия Федерациясе дәүләт учреждениеләре һәм иҗтимагый хезмәт күрсәтү хезмәткәрләре һөнәр берлегенең Татарстан республика оешмасын тәкъдим итте.
ТР Юстиция министрлыгының яшь хезмәткәрләре Никита Шаповалов һәм Дарья Бородина конкурсның барлык этапларында да хезмәттәшләренә актив рәвештә көч биреп тордылар, бу исә Мамадыш районы командасына 7 команда арасында мактаулы 1 урынны яуларга ярдәм итте.
Проектлар профсоюз хәрәкәтен үстерүгә һәм яшьләргә патриотик тәрбия бирүгә кагылышлы иде. Барлык проектларны профсоюз әгъзалыгын формалаштыру максаты берләштерә.
Татарстан Республикасы Юстиция министрлыгының яшьләр активы вәкилләре чараның югары дәрәҗәдә оештырылуын билгеләп үттеләр һәм профсоюз хәрәкәтен ныгыту һәм яшь белгечләрнең һөнәри күнекмәләрен үстерү өчен мондый конкурсларның мөһимлеген ассызыкладылар.