Татарстан Республикасы Муниципаль берәмлекләре советы Президиумы утырышында

2008 елның 5 декабре, җомга
Бүген Татарстан Республикасы Министрлар Кабинетында Татарстан Республикасы Премьер-министрының беренче урынбасары Р.Ф.Моратов катнашуында Татарстан Республикасы Муниципаль берәмлекләре советы Президиумы утырышы узды.
Президиум әгъзалары “2009 елның 1 гыйнварыннан яңа оештырылган муниципаль берәмлекләре тарафыннан җирле әһәмияттәге мәсьәләләрне хәл итү буенча вәкаләтләрне гамәлгә ашыру турында”гы мәсьәләне тикшерделәр.
Бу мәсьәлә буенча доклад белән ТР юстиция министры М.М.Корманов чыгыш ясады.
ТР юстиция министры шулай ук “Татарстан Республикасы муниципаль норматив хокукый актларының регистры турында” ТР закон проектын тәкъдим итте. Президиум әгъзалары тәкъдим ителгән закон проектын хупладылар һәм министрның беренче мәсьәлә буенча булган мәгълүматын кабул итеп алдылар.
Моның белән беррәттән Президиум утырышында муниципаль район һәм шәһәр округларының рәсми сайты турында, “2008 елның иң яхшы муниципаль хезмәткәре” һәм “Татарстан Республикасы муниципаль берәмлекләрендә 2008 елның иң яхшы иҗтимагый инициативасы” республика конкурсын уздыру кебек һәм башка мәсьәләләр тикшерелде.
 
ТР Юстиция министрлыгы Матбугат хезмәте
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International