ТР Юстиция министрлыгында нефть тармагын үстерү мәсьәләләрен тикшерделәр

Бу атнада Татарстан Республикасы Юстиция министрлыгында ТР юстиция министры М.М.Корманов рәислегендә федераль закон чыгаруны камилләштерү буенча тәкъдимнәр әзерләү буенча эшче төркемнең беренче утырышы узды. Сүз Татарстан Республикасында нефть тармагын үстерү турында барды.

Эшче төркем “Республиканың нефть компанияләренең 2008 елның 1 яртыеллыгында эш нәтиҗәләре һәм Татарстан Республикасының нефть тармагының киләчәк үсеше турында” 2008 елның 5 сентябрендәге киңәшмә протоколының 23 пунктка таянып Татарстан Республикасы Президенты М.Ш.Шәймиев йөкләмәсе нигезендә булдырылды.

Утырышта эшче төркем әгъзалары – Татарстан Республикасы Президенты Аппараты, Татарстан Республикасы Министрлар Кабинеты Аппараты һәм республиканың бер төркем министрлыклары вәкилләре, шулай ук нефть компанияләре – “Нефтеконсорциум” ЯАҖ, шул исәптән – генераль директор Ф.Х.Вәлиев һәм “Татнефть” ААҖ вәкилләре катнаштылар.

“Нефтеконсорциум” ЯАҖ һәм “Татнефть” ААҖнең Россия Федерациясенең Җир, Шәһәр төзелеше һәм Салым кодексларына үзгәрешләр кертү буенча тәкъдимнәре бәхәснең төп темалары булды. Әлеге тәкъдимнәр, беренче чиратта, файдалы казылмаларны эзләү, табу объектларын урнаштыру өчен җир участокларын бирү тәртибен гадиләштерүгә, инженер эзләп табулары һәм проект документациясенең дәүләт экспертизасы процедурасының үтә күренмәлелеген камилләштерүгә һәм күтәрүгә, шулай ук файдалы казылмаларны табуга салым ташламаларын билгеләүгә юнәлдерелгән.

Эшче төркем утырышында тикшерелгән тәкъдимнәрнең кайберләре закон чыгару инициативасы хокукының төрле субъектлары тарафыннан әзерләнгән федераль закон проектларында чагылыш табуы хакында искәртеп үтәргә кирәк.

Мисалга, Россия Федерациясе Дәүләт Думасы Федераль Җыенының бер төркем депутатлары тарафыннан 2007 елның мартында ук “Россия Федерациясе Җир кодексының 78 статьясына үзгәреш кертү турында” 403445-4 номерлы федераль закон проекты кертелде. Закон проекты белән авыл хуҗалыгы җирләрен бүтән категория җирләргә күчерү таләп ителмәгән эш төрләре исемлеген тулыландыру, файдалы казылмаларның табылу урынын табу һәм бәяләү максатында җир асты байлыкларын геологик өйрәнү белән бәйле эшләр белән, шулай ук җир асты байлыкларын региональ геологик өйрәнү белән тулыландыру тәкъдим ителә.

Шулай ук киңәшмәдә яңа категория җирләр – “җир асты байлыкларының дәүләт фонды җирләре”н кертү турындагы тәкъдим яңгырады. Хәзерге вакытта Федерация Советы әлеге мәсьәлә буенча закон проектын Россия Федерациясе Дәүләт Думасына кертү өчен әзерли.

Сөйләшү нәтиҗәләре буенча Татарстан Республикасының Россия Федерациясе Дәүләт Думасындагы вәкилләренә югарыда саналган закон проектларын кабул итүне тизләйтүдә ярдәм итүләре турындагы үтенеч белән мөрәҗәгать итү карары кабул ителде.

Эшче төркем кысаларында Татарстан Республикасы Дәүләт Советының Россия Федерациясе Дәүләт Думасына закон чыгару инициативасы итеп кертү максатында федераль закон проекты буларак бүтән тәкъдимнәрне тутыру буенча уртак эш башланды.

 

ТР Юстиция министрлыгы Матбугат хезмәте