Татарстан Республикасы Юстиция министрлыгында юстиция министры урынбасары Мөхәррәм Ибәтов рәислегендә Министрлыкның Ветераннар советының йомгаклау утырышы узды. Очрашуда 2025 елдагы эшкә йомгак ясалды һәм киләсе 2026 елга чаралар планы расланды.

Татарстан Республикасы юстиция министры Рөстәм Заһидуллин Яңа ел бәйрәмнәре алдыннан “Теләкләр чыршысы” Бөтенроссия акциясенә кушылды. 2018 елдан бирле уздырыла торган акция каты авырулары булган балаларга, ятим балаларга, аз керемле гаиләләрдә һәм хәрби хезмәткәрләр гаиләләрендә тәрбияләнүче балаларның хыялларын тормышка ашырырга ярдәм итә.

Татарстан Республикасы Юстиция министрлыгында муниципаль хокукый актларны Татарстан Республикасы хокукый мәгълүматының рәсми порталында бастырып чыгару мәсьәләсе буенча җирле үзидарә органнары белән семинар-киңәшмә узды. Чара юстиция министры урынбасары Мөхәррәм Ибәтов рәислегендә узды.

Татарстанның Мамадыш районында янгын чыгу очрагына тактик өйрәнүләр узды. Коткаручылар, җәмәгать судьялары аппаратлары хезмәткәрләре һәм ашыгыч ярдәм хезмәте хезмәткәрләре янгын вакытында кешеләрне коткару гамәлләрен эшләп карау өчен суд участоклары бинасында күнегүләр үткәрделәр.