Счет-фактурадагы үзгәрешләр

Прокуратура протесты белән бәйле рәвештә, норматив-хокукый актны “Гражданнарга коммуналь хезмәтләр күрсәтү тәртибе турында” 2006 елның 23 маендагы 307 номерлы Россия Федерациясе Хөкүмәте карарына туры китерү максатында, Казан шәһәре муниципаль берәмлеге Башкарма комитеты җитәкчесенең 2008 елның 23 октябрендәге 6999 номерлы карары белән Казан шәһәре Башкарма комитеты җитәкчесенең 31.05.2007 елдагы 1063 номерлы карарына үзгәрешләр кертелде. Документ нигезендә 3 юлдагы “Гомуми файдаланудагы урыннарны яктырту” (“Освещение МОП”) исәп-хисап документының бердәм формасыннан төшереп калдырылган.

Гомуми файдаланудагы урыннарны яктырту, нормативлар яки йорт өчен уртак булган исәпләү приборлары күрсәткечләренә таянып, “Электр белән тәэмин итү” юлына кертелә.

Карар 2008 елның 12 ноябреннән 216 номерлы “Казанские ведомости” газетасында һәм 2008 елның 28 октябреннән 203-204 номерлы “Шәһри Казан” газетасында дөнья күрде.

 

ТР Юстиция министрлыгы Матбугат хезмәте