Татарстан Республикасы Юстиция министрлыгы командасы республиканың норматив актлары сыйфатын тәэмин итә
Бүген Министрлыкта Хокук мәсьәләләре буенча ведомствоара координация комитетының Экспертлар советы утырышы узды. Әлеге совет эшчәнлеген тәэмин итүдә төп рольне Наталья Юрьевна Казанцева җитәкчелегендәге хокукый экспертиза һәм нормалар иҗат итү эшчәнлеге бүлеге уйный. Бүлек составына 7 югары квалификацияле белгеч керә, алар Татарстан Республикасы Хөкүмәтенең закон проектлары эшчәнлеген тәэмин итү функцияләрен дә үтиләр.
2025 ел нәтиҗәләре буенча ведомствоара координация комитеты 9 утырыш, ә аның Экспертлар советы 11 утырыш үткәрде, алар барышында 29 закон проекты каралды һәм хупланды.
Бүлек эшенең төп юнәлешләре - Татарстан дәүләт хакимияте башкарма органнарының нормалар иҗат итү эшчәнлеген координацияләү, шулай ук норматив хокукый актларга һәм аларның проектларына хокукый һәм коррупциягә каршы экспертиза уздыру.
Бүлек белгечләре тарафыннан узган елда республика дәрәҗәсендәге 2 787 норматив акт проектына хокукый һәм коррупциягә каршы экспертиза үткәрелгән. Тикшерү нәтиҗәсендә 40 проектта 46 коррупциоген фактор ачыкланган.
Бүлек Наталья Юрьевна җитәкчелегендә хокукый процессны оештыруда югары профессионализм һәм җаваплылык үрнәген күрсәтә, бу дәүләтнең тотрыклы эшләвенә ярдәм итә.