Җәмәгать судьяларына документларны Россия Дәүләт хезмәтләре аша тапшырырга мөмкин
Дәүләт хезмәтләре (Госуслуги) порталында “Тормыш ситуацияләре” сервислары үсештә. Татарстан Республикасы Юстиция министрлыгы республика халкына җәмәгать судьяларына процессуаль документларны Россия Федерациясенең Бердәм дәүләт һәм муниципаль хезмәтләр порталы аша тапшыру мөмкинлеге турында искә төшерә.
Заманча һәм уңайлы онлайн-сервислар “Мәгълүмати икътисад” илкүләм проекты буенча үсә.
Күптән түгел генә Татарстанда җәмәгать судьяларына документлар тапшыру өчен бер генә электрон мәйданчык – Татарстан Республикасы җәмәгать судьялары порталы гына эшли иде. Гамәлгә кертелгәннән бирле 384 меңнән артык документ тапшырылган.
Татарстан Республикасы Рәисе Рөстәм Нургали улы Миңнеханов кушуы буенча 2025 ел ахырында Дәүләт хезмәтләренең федераль системасы белән интеграция тәмамланды. “Республиканың җәмәгать юстициясе системасын цифрлаштыру бюрократик йөкләнешне сизелерлек киметергә һәм миллионлаган бюджет акчаларын янга калдырырга мөмкинлек бирде”, - дип билгелиләр Министрлыкта. Бүгенге көнгә инде меңнән артык гариза бирелгән.