Юстиция министрлыгында коррупциягә каршы көрәш комиссиясе утырышы булды
Комиссия утырышында норматив хокукый актларның коррупциягә каршы экспертиза нәтиҗәләренә һәм муниципаль берәмлекләр белән эшләүгә аерым игътибар бирелде.
Доклад белән профильле бүлек башлыгы Ралия Гарифуллина чыгыш ясады, муниципаль документларны тикшерү турында мәгълүмат бирде. Аның сүзләренә караганда, 2025 елда 253 муниципаль норматив хокукый актта 506 коррупциоген фактор ачыкланган, шул ук вакытта узган ел белән чагыштырганда хокук бозулар кимү теркәлгән.
“Барлык ачыкланган факторлар да диярлек бетерелгән инде - бүгенге көнгә 505 хокук бозу очрагы бетерелгән, тагын бер акт эшләп бетерү стадиясендә”, - дип ассызыклады ул.
Моннан тыш, утырышта катнашучылар муниципалитетларга методик ярдәм күрсәтүнең мөһимлеген билгеләп үттеләр. Ел дәвамында уку семинарлары, стажировкалар һәм дистәләгән муниципаль районнарны колачлаган күчмә тикшерүләр уздырылды. Бу хокук бозуларны ачыкларга гына түгел, ә киләчәктә аларны системалы рәвештә булдырмый калырга да мөмкинлек бирә.
Утырыш азагында катнашучылар уздырыла торган эш тотрыклы уңай динамика күрсәтә, ә төп бурычлар профилактик механизмнарны үстерү, экспертиза сыйфатын күтәрү һәм җаваплы белгечләрне алга таба укыту булып кала дигән нәтиҗәгә килделәр.