Татарстанда инвалидлар ункөнлеге узды

1992 елда Берләшкән Милләтләр Оешмасы Генераль Ассамблеясе 3 декабрь көнен “Халыкара инвалидлар көне” дип игълан итте.

Илебездә инвалидларга карата хәзерге дәүләт сәясәтенең хокукый җирлеге булып “Россия Федерациясендә инвалидларга социаль ярдәм чаралары турында” Федераль закон тора.

Законда Россия Федерациясендә инвалидларга социаль ярдәм чаралары өлкәсендә максаты булып инвалидларга Россия Федерациясе Конституциясе тарафыннан, шулай ук халыкара хокукның гомумкабул ителгән принцип һәм нормалары һәм Россия Федерациясенең халыкара килешүләре нигезендә каралган гражданлык, икътисади, сәяси һәм башка хокукларны тормышка ашыруда башка гражданнар белән бертигез мөмкинлекләр булдыруны күздә тоткан дәүләт сәясәте билгеләнә.

Татарстан Республикасы Хөкүмәте әлеге датаның әһәмиятен үстерү максатында ел саен 1 декабрьдән алып 10 декабрьгә кадәр әлеге көнгә багышлап инвалидлар ункөнлеген уздыра. Республика министрлыклары һәм ведомстволарына әлеге категория гражданнарның тормыш-көнкүрешләрен яхшыртуга, инвалидларның проблемаларына игътибар җәлеп итүгә, аларның хокук һәм иминлеген яклауга юнәлдерелгән чаралар уздыру киңәш ителә.

Татарстан Республикасы Юстиция министрлыгы инвалидлыклары булган, Әфган һәм Чечен сугыш хәрәкәтләре ветераннарын берләштерүче “Хәтер” (Әлмәт шәһәре) берләшмәсенә байтак еллар ярдәм күрсәтә. 1992 елның декабреннән алып әлеге иҗтимагый оешманы Министрлыкның эшләр идарәчесе С.А.Брусов җитәкли. “Хәтер” оешмасы әгъзалары яшьләрне хәрби-патриотик тәрбияләү буенча чаралар уздыралар, сугыш хәрәкәтләрендә катнашучыларның каберлегендә тәртип салуда катнашалар, Казан шәһәренең реабилитация үзәгендә инвалидларны, шулай ук вафат булган ветераннарның ата-аналарын дәвалауны оештыралар, сугыш хәрәкәтләре ветераннарының балалары өчен ел саен ял һәм җәйге ял оештырыла.

“Хәтер” берләшмәсенең эшләрендә хәйриячелек аерым урынны били: мохтаҗ инвалидларга акча чаралары бүлеп бирелә, көнкүреш һәм җылыту техникасы сатып алына, ветеран-инвалидлар, аларның гаилә әгъзалары, вафат булган ветераннарның ата-аналары өчен башка файдалы эшләр эшләнә.

“Хәтер” берләшмәсенең үсеп килүче яшь буынны хәрби-патриотик тәрбияләү буенча музее эшен яхшы эшләр исемлегенә кертеп була, аерым алганда, мәктәп укучылары өчен ватандашлары, Әфган һәм Чечняда булган хәрби хәрәкәтләр турында күп кенә кызык мәгълүмат ала алырлык экскурсияләр даими рәвештә оештырыла. Хәзерге вакытта ветераннарның шәхси архивларыннан гыйбарәт республика фотоальбомын нәшер итү өчен фотоматериаллар җыю эше дәвам итә.

ТР Юстиция министрлыгы Матбугат хезмәте