Хокукый мәсьәләләр буенча ведомствоара координация комитеты утырышы

Татарстан Республикасы Министрлар Кабинетында Татарстан Республикасы Премьер-министрының беренче урынбасары Р.Ф.Моратов рәислегендә Хокукый мәсьәләләр буенча ведомствоара координация комитеты утырышы

үтте.

Комитет әгъзалары ТР юстиция министры М.М.Корманов тәкъдим иткән һәм Экспертлар Советының хокукый экспертизасын үткән “Наркомания һәм токсикоманияне профилактикалау турында” Татарстан Республикасы законы проекты турында фикер алыштылыар һәм аны хупладылар.

Соңрак Хокукый мәсьәләләр буенча ведомствоара координация комитетының 2008 елдагы эшчәнлегенә нәтиҗәләр ясалды. Бу хактагы мәгълүмат белән шулай ук ТР юстиция министры М.М.Корманов чыгыш ясады.

Татарстан Республикасы Президенты Указы нигезендә Хокукый мәсьәләләр буенча ведомствоара координация комитеты эшчәнлеген оештыру-техник һәм мәгълүмати-аналитик яктан тәэмин итү 2005 елның декабреннән алып  Татарстан Республикасы Юстиция министрлыгына йөкләнде.

Министрлык 2008 елда Комитетның 8 утырышын үткәрүне, шул исәптән 2 утырышны – Татарстан Республикасы муниципаль берәмлекләре белән видеоконференция режимында үткәрүне тәэмин итте.

Комитет утырышларында 120 дән артык мәсьәлә тикшерелде (чагыштыру өчен, 2007 елда – 101 мәсьәлә). Әлеге мәсьәләләр буенча карарлар, шул исәптән 111 закон проекты, Татарстан Республикасы Гражданнар оборонасы һәм гадәттән тыш хәлләр министрлыгы белән муниципаль берәмлекләр арасында гражданнар оборонасын оештыру һәм гадәттән тыш хәлләрне кисәтү мәсьәләләрендә үзара бәйләнеш турында төзелгән 2 типовой килешү, шулай ук административ комиссияләр эшчәнлеген тәртипкә китерү буенча Юстиция министрлыгы тарафыннан эшләнгән хокукый акт проектлары пакеты кабул ителде һәм гамәлгә ашырылды.

Хокукый мәсьәләләр буенча ведомствоара координация комитетының Экспертлар Советы тарафыннан 2008 ел эчендә 115 Татарстан Республикасы закон проекты тикшерелде, шулардан:

-         104 Татарстан Республикасы закон проекты хуплау тапты;

-         10 Татарстан Республикасы закон проекты хупланмады;

-         1 Татарстан Республикасы закон проекты кире кагылды.

31.10.2006 елдагы 1721-р номерлы Татарстан Республикасы Министрлар Кабинеты карары нигезендә оешкан Комитетның эшче төркеме башка министрлык һәм ведомстволар (ТР буенча Эчке эшләр министрлыгы, ТР Мәгариф һәм фән министрлыгы, ТР Яшьләр эшләре, спорт һәм туризм министрлыгы, ТР Сәламәтлек саклау министрлыгы һәм башкалар) белән тыгыз бәйләнештә 12 муниципаль берәмлектә хокук бозуларны профилактикалау буенча алып барылган эшне өйрәнде:

Муниципаль берәмлекләрдә хокук бозуларны профилактикалау буенча эшне өйрәнү нәтиҗәләре турында Комитетның 2008 елның 1 августында һәм 10 декабрьләрендә видеоконференция режимында үткән киңәйтелгән утырышларында фикер алыштылар.

Комитет рәисе Р.Ф.Моратов раслаган график нигезендә, хокук бозуларны кисәтү мәсьәләләрендә җирле үзидарә органнарына ярдәм итү һәм аны контрольдә тоту буенча эшне 2009 елда түбәндәге муниципаль берәмлекләрдә дәвам иттерү күздә тотыла:

-         14 муниципаль районда (Әтнә, Питрәч, Түбән Кама, Тукай, Зәй, Яңа Чишмә, Алексеевск, Спас, Аксубай, Чирмешән, Нурлат, Буа, Тәтеш, Чүпрәле муниципаль районнары территорияләрендә);

-         2 шәһәр округында (Казан һәм Яр Чаллы).

 

ТР Юстиция министрлыгының Матбугат хезмәте