Татарстан Республикасы Министрлыклары Татарстан Республикасы Юстиция министрлыгы

ТР Юстиция министрлыгында административ хокук бозуларны профилактикалау мәсьәләсе буенча киңәшмә

2009 елның 29 гыйнвары, пәнҗешәмбе

Татарстан Республикасы муниципаль районнары һәм шәһәр округларында кылына торган административ хокук бозуларны профилактикалау мәсьәләсе буенча киңәшмәне Татарстан Республикасы юстиция министры, Хокук мәсьәләләре буенча ведомствоара координация комитетының эшче төркеме җитәкчесе М.М.Корманов уздырды.

Сүз 2009 елда Хокук мәсьәләләре буенча ведомствоара координация комитетының эшче төркеме тарафыннан муниципаль берәмлекләрдә хокук бозуларны профилактикалау буенча алып барыла торган эшне өйрәнү хакында барды. Мәсьәлә буенча фикер алышуда Татарстан Республикасы Президенты Аппараты, Татарстан Республикасы Министрлар Кабинеты Аппараты, Татарстан Республикасы Прокуратурасы, Татарстан Республикасы буенча Эчке эшләр министрлыгы һәм Татарстан Республикасы Юстиция министрлыгы вәкилләре катнашты.

Киңәшмәдә Татарстан Республикасы Премьер-министрының беренче урынбасары, Комитет рәисе Р.Ф.Моратов раслаган, 2009 елда муниципаль район һәм шәһәр округларында хокук бозуларны профилактикалау эшенең торышын Ведомствоара комитетның эшче төркеме тарафыннан урыннарга чыгып тикшерү графигын тикшерделәр. Аның нигезендә эшче төркем Татарстан Республикасының 17 муниципаль берәмлегендә хокук бозуларны кисәтү мәсьәләләрендә җирле үзидарә органнарына ярдәм күрсәтү эшен дәвам итәргә планлаштыра.

Оештыру мәсьәләләреннән соң министр ТР Юстиция министрлыгының оештыру эшләре бүлеге җитәкчесе А.М.Чашинга хокук бозуларны профилактикалау эшенең торышын өйрәнү өчен биремнәр әзерләргә һәм аларны тармак министрлык һәм ведомстволарындагы эшче төркем әгъзаларына җибәрергә йөкләде.

Расланган график нигезендә эшче төркемнең февральдә ТР Әтнә, Питрәч муниципаль районнарына һәм Казан шәһәр округына баруы планлаштырыла.

ТР Юстиция министрлыгының Матбугат үзәге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Татарстан Республикасы Юстиция министрлыгы хезмәткәрләре үз ветераннарын искә алды

9 Май алдыннан, шулай ук Хәрби батырлык һәм хезмәт фидакарьлеге елын үткәрү буенча чаралар планын үтәү йөзеннән Татарстан Республикасы Юстиция министрлыгы хезмәткәрләре, күпьеллык традиция буенча, ведомствоның элеккеге җитәкчеләре, шул исәптән Бөек Ватан сугышында катнашучылар җирләнгән урыннарны тәртипкә китерделәр.

Мөлкәти булмаган характердагы таләпләрне үтәү буенча киңәшмә

Юстиция министры урынбасары Мөхәррәм Ибәтов җитәкчелегендә бурычлылар булып республика башкарма хакимият органнары, җирле үзидарә органнары, дәүләт һәм муниципаль учреждениеләр торган мөлкәти булмаган таләпләрне мониторинглау һәм суд карарларын үтәү буенча видеоконференция режимында киңәшмә узды.

Юриспруденция өлкәсендә республика премиясенә документлар тапшыру срогы тәмамланырга ике атна калды

Юриспруденция өлкәсендә Гавриил Романович Державин исемендәге премиягә республика конкурсына документлар кабул итү соңгы этабына якынлаша. Дәгъвачылар 2026 елның 23 маена кадәр гариза бирә ала. Бу хакта киңәшмә барышында юстиция министрының беренче урынбасары Илья Гомзик искәртеп узды.

май, 2026 ел

Татарстан Республикасы Юстиция министрлыгында җәмәгать судьяларының суд участокларын террорчылыктан яклау буенча семинар узды

Татарстан Республикасы Юстиция министрлыгында җәмәгать судьялары аппаратлары хезмәткәрләре өчен семинар-укыту узды. Семинар барышында суд участокларында куркынычсызлыкны оештыруга заманча алымнар каралды.

ЯҢАЛЫКЛАРГА ЯЗЫЛУ