Татарстан Республикасы Министрлар Кабинеты утырышында

Кичә Татарстан Республикасы Премьер-министры Р.Н.Миңнеханов рәислегендә Татарстан Республикасы Министрлар Кабинеты утырышы узды. Утырыш барышында закон чыгару эшчәнлеге тәҗрибәсе мәсьәләләре, министрлыклардагы башкарма дисциплина торышы һәм “Татарстан Республикасының Электрон Хөкүмәте” комплекслы проектын гамәлгә ашыру тикшерелде.

Закон проектлары эшчәнлеге тәҗрибәсе һәм Татарстан Республикасы министрлык һәм ведомстволарының норматив хокукый актларын дәүләт теркәве турындагы доклад белән ТР юстиция министры М.М.Корманов чыгыш ясады. Министр үз чыгышында 2008 елда закон проекты эшчәнлеге планы 100 % ка үтәлде дип билгеләп узды.

Ул шулай ук министрлыкларның планнан тыш закон проектлары эшчәнлеге, 2007 ел белән чагыштырганда, үзгәрешләр кичермәве, министрлыкларның республика дәрәҗәсендәге закон чыгару процессының актив катнашучылары булып торуларын ассызыклады.

Татарстан Республикасының тарифлар буенча комитетының законнар чыгару өлкәсендәге эшчәнлеге аерым игътибарга лаек, чөнки әлеге эшчәнлек Комитет тарафыннан бер үк вакытта формалаштыру һәм функцияләнү белән бәйле оештыру мәсьәләләрен хәл итеп гамәлгә ашырылды.

Үткән елдагы үзенчәлекләргә Татарстан Республикасы башкарма хакимият органнарының Татарстан Республикасы Дәүләт Советының закон чыгару инициативаларын әзерләүдәге рольләре үсешен кертергә мөмкин.

2008 елда федераль закон проектларын әзерләү Татарстан Республикасы башкарма хакимият органнарының үз инициативалары, шулай ук Татарстан Республикасы Президенты, Татарстан Республикасы Премьер-министры йөкләмәләре, шулай ук ведомствоара эшче төркем кысаларында яңгараган йөкләмәләр нигезендә гамәлгә ашырылды.

Министр шулай ук Татарстан Республикасы министрлык һәм ведомстволарының норматив хокукый актларын дәүләт теркәве тәҗрибәсе хакында сөйләде һәм теркәлгән норматив хокукый актлар саны үсүенең уңай статистикасын китерде, теркәлмәгән норматив хокукый актларның ачыклану очраклары һәм дәүләт теркәвеннән кире кагу сәбәпләрен билгеләде.

Үз фикерен йомгаклап, М.М.Корманов финанс-икътисад кризисы шартларында дәүләт хакимияте органнары алдына яңа зур бурычлар куелуын, аларны хәл итү өчен дәүләт гражданнар һәм барлык халык алдында җаваплы булганлыкны билгеләде. Әлеге социаль-икътисадый хәлдә дәүләт хакимияте органнарының сыйфатлы, уйланылган һәм нәтиҗәле норматив хокукый актларны үз вакытында әзерләү һәм кабул итү эшчәнлегенең әһәмиятлелеге бермә-бер арта.

 

ТР Юстиция министрлыгының Матбугат үзәге