Бюджет планлаштыруындагы субъект эшчәнлеге нәтиҗәләре һәм аның төп юнәлешләре турындагы докладны куллану тәҗрибәсе

Татарстан Республикасы юстиция министрының беренче урынбасары С.Н.Столяров Татарстан Республикасы Икътисад министрлыгының коллегия утырышында катнашты һәм Татарстан Республикасы Юстиция министрлыгының 2008 елдагы эшчәнлек нәтиҗәләре һәм 2009-2011 елларга эшчәнлекнең төп юнәлешләре турындагы доклад белән чыгыш ясады.

Ул билгеләп үткәнчә, ТР Юстиция министрлыгы ике елдан артык үз эшчәнлеген 06.06.2005 елдагы 250 номерлы Министрлар Кабинеты карарын үтәп төзелгән һәм әлеге карар белән расланган Бюджет планлаштыруындагы субъект эшчәнлеге нәтиҗәләре һәм аның төп юнәлешләре турындагы доклад турында нигезләмә нигезендә төзелгән Бюджет планлаштыруындагы субъект эшчәнлеге нәтиҗәләре һәм аның төп юнәлешләре турындагы доклад нигезендә гамәлгә ашыра .

Бюджет планлаштыруындагы субъект эшчәнлеге нәтиҗәләре һәм аның төп юнәлешләре турындагы докладта кулланылучы индикаторларны яраклаштыру кирәклегенә, аерым алганда, ел саен Татарстан Республикасы Министрлар Кабинеты тарафыннан Идарәгә дәүләт заказына раслана торган индикаторлар белән яраклаштыруга аерым дикъкать бирелде, ягъни башкарма хакимият органнары эшчәнлегенең аерым (төп) индикаторларның өстенлекләрен исәпкә ала торган бердәм индикаторлар кулланылырга тиеш.

Мисалга, Юстиция министрлыгы өчен хокук мәсьәләләре буенча җирле үзидарә органнары белән үзара хезмәттәшлекне оештыру, җәмәгать судьялары эшчәнлеген тәэмин итүне оештыруны характерлаучы индикаторлар төп индикатор була алыр иде.

С.Н.Столяров фикеренчә, бары бу очракта гына бюджет планлаштыруындагы субъект тарафыннан ирешелгән нәтиҗәләрне бәяләүнең объектив булуына ирешергә, киләчәккә максат, бурычларны һәм эшчәнлек үзенчәлекләрен билгеләргә мөмкин.

 

ТР Юстиция министрлыгының Матбугат үзәге