Татарстан Республикасы Министрлыклары Татарстан Республикасы Юстиция министрлыгы

Татарстан Республикасы Юстиция министрлыгының “Опека һәм попечительлек органнары эшчәнлегендә яңа караш”семинарында катнашуы

2009 елның 20 феврале, җомга

16-20 февраль көннәрендә Татарстан Республикасы Мәгариф һәм фән министрлыгында “Социаль ятимлекне профилактикалау һәм балалар хокукын яклау буенча опека һәм попечительлек органнары эшчәнлегендә яңа караш” республика семинар-киңәшмәсе уза.

Әлеге семинар-киңәшмәнең оештыручылары булып Татарстан Республикасы Мәгариф һәм фән министрлыгы һәм Татарстан Республикасының Мәгарифне үстерү институты тора.

Семинар-киңәшмә эшендә Татарстан Республикасы Прокуратурасы, Татарстан Республикасы буенча Эчке эшләр министрлыгы, Татарстан Республикасы Сәламәтлек саклау министрлыгы, Татарстан Республикасы Хезмәт, халыкны эш белән тәэмин итү һәм социаль яклау министрлыгы, Россия Федерациясе Пенсия Фондының Татарстан Республикасы буенча бүлеге, Татарстан Республикасы Төзелеш, архитектура һәм торак-коммуналь хуҗалык министрлыгы вәкилләре катнаша.

Семинарда Татарстан Республикасы Юстиция министрлыгыннан Хокук мәсьәләләре буенча җирле үзидарә органнары белән үзара хезмәттәшлекне оештыру департаментының аналитик һәм норматив-методик эш бүлегенең әйдәп баручы киңәшчесе С.Ф.Рәхимов Татарстан Республикасының опека һәм попечительлек өлкәсендәге законнарына күзәтүгә багышланган чыгышы белән катнашты. Семинар-киңәшмә барышында балалар хокукын яклау өлкәсендәге дәүләт сәясәтенең төп юнәлешләре, социаль ятимлекне профилактикалау һәм балалар хокукын яклау буенча опека һәм попечительлек органнары эшчәнлегендәге яңа карашлар, шулай ук республиканың дәүләт учреждениеләрендәге балалар хокукын яклау мәсьәләләре тикшерелде.

ТР Юстиция министрлыгының Матбугат үзәге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Татарстан Республикасы Юстиция министрлыгы хезмәткәрләре үз ветераннарын искә алды

9 Май алдыннан, шулай ук Хәрби батырлык һәм хезмәт фидакарьлеге елын үткәрү буенча чаралар планын үтәү йөзеннән Татарстан Республикасы Юстиция министрлыгы хезмәткәрләре, күпьеллык традиция буенча, ведомствоның элеккеге җитәкчеләре, шул исәптән Бөек Ватан сугышында катнашучылар җирләнгән урыннарны тәртипкә китерделәр.

Мөлкәти булмаган характердагы таләпләрне үтәү буенча киңәшмә

Юстиция министры урынбасары Мөхәррәм Ибәтов җитәкчелегендә бурычлылар булып республика башкарма хакимият органнары, җирле үзидарә органнары, дәүләт һәм муниципаль учреждениеләр торган мөлкәти булмаган таләпләрне мониторинглау һәм суд карарларын үтәү буенча видеоконференция режимында киңәшмә узды.

Юриспруденция өлкәсендә республика премиясенә документлар тапшыру срогы тәмамланырга ике атна калды

Юриспруденция өлкәсендә Гавриил Романович Державин исемендәге премиягә республика конкурсына документлар кабул итү соңгы этабына якынлаша. Дәгъвачылар 2026 елның 23 маена кадәр гариза бирә ала. Бу хакта киңәшмә барышында юстиция министрының беренче урынбасары Илья Гомзик искәртеп узды.

май, 2026 ел

Татарстан Республикасы Юстиция министрлыгында җәмәгать судьяларының суд участокларын террорчылыктан яклау буенча семинар узды

Татарстан Республикасы Юстиция министрлыгында җәмәгать судьялары аппаратлары хезмәткәрләре өчен семинар-укыту узды. Семинар барышында суд участокларында куркынычсызлыкны оештыруга заманча алымнар каралды.

ЯҢАЛЫКЛАРГА ЯЗЫЛУ